در شهادت حضرت خاتم الانبیا (ص)
خطاب به حضرت مهدی
.
✍️ زبدة الاشعار ✍️
.
🆔: @nohe_torki
.
مرحوم سعدی زمان
.
جان وئروب پیغمبر اکرم بو گون یابن الحسن
ما سوی اللهه یتوبدور غم بو گون یابن الحسن
.
.
یوز وئروبدور عالم اسلامده بیر ضایعه
عالم اعلاده پوزقوندور نجوم لامعه
دین اسلامین ستونین سندروب بو فاجعه
پرچم اسلام اولوبدور خم بو گون یابن الحسن
.
.
برج عزتده بو گون بیر نیّر اعظم باتوب
باغلانوب باب رسالت پرچم قرآن یاتوب
اوز تقرّب تاجنی روح الامین باشدان آتوب
عرش اولوبدور مجلس ماتم بو گون یابن الحسن
.
.
بو گونون مثلینده باب وحی حق مسدود اولوب
باغبان دین ئولوب گلزار قرآنی سولوب
لاله تک قانیله قلبی اهل اسلامین دولوب
گوزلری جاری ائدر شبنم بو گون یابن الحسن
.
.
جبرئیل آغلار دیر وامصطفی ایلر فغان
جبرئیله سس وئرر لاهوتیان کرّوبیان
صاحب ماتمدی بو غمده خدای لا مکان
بحر غمده غرق اولوب عالم بو گون یابن الحسن
.
.
علت ایجاد عالم افتخار کائنات
مجلس قربه گئدوبدور ممکن واجب صفات
علتین معلولی یعنی نه رواق و شش جهات
نظمین ائتسون آز قالور بر هم بو گون یابن الحسن
.
.
یوز وئروب خورشید دینه بیر کسوف اختفا
چولقویبدور انفس و آفاقی ظلمت برملا
گون کیمی باشون آچوب زهرا دیلینده وا اَبا
گوندوزی چون لیل اولوب مُظلم بو گون یابن الحسن
.
.
ترک ائدوب ناسوتی شاهنشاه لاهوتی مقام
دولدوروب شیون سماوات و حجاباتی تمام
شیر یزدان ما سوی الله گوی آلتندا امام
نی کیمی ایلور نوا هر دم بو گون یابن الحسن
.
.
بیر طرفده نو گل باغ بهشتی مجتبا
دیلده وا جدّا توکر اشکین او مسموم جفا
بیر طرفده باش آچوب مظلوم دشت کربلا
عین عین الله اولوب پر نم بو گون یابن الحسن
.
.
دوزمیوب جاه و ریاست آختاران بی عرضه لر
دفن اولا جسم شریف حضرت خیرالبشر
آچدیلار بیر مجلس شوری آچیلدی باب شر
اولدی کاخ ظلم مستحکم بو گون یابن الحسن
.
.
ائتدیلر اول مجلس شوراده اشرار شریر
محو دینه طرح قانون مِنکم و مِنّا امیر
اولدی بو قانون سبب زهرا قزی اولدی اسیر
شمری ظله ایلدی مُلزَم بو گون یابن الحسن
.
.
شهر یثربده آتوب ثانی بیر اوخ یا لَلاَسَف
بو اوخ اولدی کربلا دشتینده جاگیر هدف
آچمارام نامحرمه بو سرّی ای کان شرف
سنسن اسراره اوزون محرم بو گون یابن الحسن
.
.
جانیم آغلار گوزلرون قربانی ای فخر هدات
ایله سعدیّ زمانه مختصر بیر التفات
التفاتون اولماسا یوخدور منه راه نجات
ای غلامی عیسی مریم بو گون یابن الحسن
.
.
من گدای عاشقم سن مسند عزّتده شاه
هر قَدَر عاشق اولا پست و فقیر و روسیاه
لطفیله ایلر گینه معشوق عنایت گاهگاه
سنده لطف ایله ولو بیر دم بو گون یابن الحسن
.
.
من ایتم سوز یوخ ولی بو قدر صاحبلی ایتم
صاحبیمدن آیریلام یا غیر ممکندور ایتم
آیریلیقدان یاندی قلبیم ایستورم وصله یتم
سال یارالی قلبیمه مرهم بو گون یابن الحسن
.
.
من سیزون عرش آستان دربارزون دربانیم
دوز ایکی ایلدور که بر اگری باخیش حیرانیم
بیرده باخ آل جانیمی شهلا گوزون قربانیم
حبلیمی قیل حبلیوه منظم بو گون یابن الحسن
.
.
.
#سبک_زینبم_جان_اوستیم … 4 سبک
.
.
.
#پیامبراسلام_شهادت
#سعدی_زمان
#جان_وئروب_پیغمبر_اکرم_بو_گون_یابن_الحسن
#کنزالحسینی1 ص 114
#ترکی
.
✍️ #زبدةالاشعار ✍️
.
🆔: @nohe_torki
نظر دهید