محزونیدی محنتدن دنیا شب عاشورا #شب_عاشورا_لاادری

شب عاشورا
.
✍️ #زبدةالاشعار ✍️
.
🆔: @nohe_torki
.
لاادری
.
.
محزونیدی محنتدن دنیا شب عاشورا
سسلردی حسینیم وای زهرا شب عاشورا
.
.
ارواح پیمبرلر قالمیشدی تحیرده
طاها إلى قوینوندا محزون و دل افسرده
دوشمیشدی عزا بزمی رسمیته گوگلرده
بیر یاندا حسین ایلر قربانلاری پرورده
بیر یاندادا قاتل لر یاتمیش الى خنجرده
اولمیش عجب آرامش برپا شب عاشورا
.
.
انصار حسین مشغول اولموشدی مناجاته
قران سسی قالخاردی افلاک و سماواته
شوقیله انور باشلار محراب عباداته
بیر یاندادا سعداوغلی آماده دی نیئاته
نور اوسته منافقلر بنذوردیله ظلماته
ظلمت بوریوب نوری گویا شب عاشورا
.
.
اخیام حسینیده اولمادی گئدن هوشه
چکدی آنالار اوغلون صبحه کیمی آغوشه
آخر گئجه لازمدور اخذ ایلیه لر توشه
گلزار محبتدن دردی هره بیر خوشه
باخدوقجا آنالارون قانلاری گلوب جوشه
هجران غمین ایلورلر امضا شب عاشورا
.
.
صحبت لر اولور جاری هجران سوزونون أوسته
اوت شعله چکور قلبون یانمیش کوزونون اوسته
گوز یاشی آنالارون دورموش یوزونون اوسته
ایستور هره اوز اوغلی قالسون گوزونون اوسته
حسرتله اوغول باشین آلمیش دیزینون اوسته
اکبرلن ائدور صحبت لیلا شب عاشورا
.
.
بیر خیمه نون اوضاعی قلبیمی کباب ایلر
گهواره ده لب تشنه ششماهه علی اصغر
دل یوخ دانیشا آغلور معلومیدی سو ایستر
گوزلر آخینور هر دم قوش گیمی چالور شهپر
جان اوسته دی دریادن چیخمیش بالیقا بنذر
سالمیش اونی طاقتدن گرما شب عاشورا
.
.
#شب_عاشورا_لاادری
#محزونیدی_محنتدن_دنیا_شب_عاشورا
#ترکی
.
✍️ #زبدةالاشعار ✍️
.
🆔: @nohe_torki