جان ویرور پیغمبر اکرم شه ابرار ئولور #پیامبراسلام_هادی_تبریزی

شهادت حضرت خاتم الانبیا (ص)
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم…. #سبک_یه_سوال_دارم … #سبک_اذن_ویر_یارب_گله و ….
.
.
مرحوم غلامرضا اسماعیل پوران (هادی تبریزی)
.
جان ویرور پیغمبر اکرم شه ابرار ئولور
رهبر دنیای اسلام و دلِ افکار ئولور
.
.
جان ویرور بنیان گذار مکتب آزادگی
صاحب قانون دنیای جدید زندگی
ضدّ تبعیضات و خوی فطرت و درّندگی
مرد استقلال و ضدّ کفر و استعمار ئولور
.
.
ذورق حق ایمدی امواج خروشان اوسته دی
پیشوایِ مسلمینِ واقعی جان اوسته دی
نصف شب پروانه لر شمعی فروزان اوسته دی
چشمۀ فیض و بقا و مطلع الانوار ئولور
.
.
صاحب قرآن ئولور معناده قرآن آغلوری
زهره و مرّیخ و ماه و مهر و کیوان آغلوری
واقعاً افلاکیان و خاکیان قان آغلوری
باعث ایجاد کلّ ثابت و سیّار ئولور
.
.
هالۀ غم پرده کشدور عارض ماه اوستونه
یوز قویوبدور لشگر حسرت یدالله اوستونه
گرد مرگ غم قونوبدی هیبت الله اوستونه
اختیار حق گیدور چون احمد مختار ئولور
.
.
خوشه های خرمن گلزار پیغمبر سولوب
ابر نیسان تک کنار گلده بلبللر دولوب
باغبان گلشن عشقین حیاتی قورتولوب
گلستان و بوستان و گلشن و گلزار ئولور
.
.
دیدۀ پیغمبر اکرم باخور اطفالینه
فکر ایدور بیربیر تمام آینده و آمالینه
ناگهان ایلور نظاره کربلا گودالینه
قانینه غلطان گورور اؤز اوغلونی بی یار ئولور
.
.
#گریز #قتلگاه
.
تشنه دور داغ قوملار اوستوندن فرات اوسته باخور
چشمه چشمه پیکریندن توپراق اوسته قان آخور
زلفینه زهرا او قانی خاک و خونیله یاخور
بیر مُعیّر عشق عیّاری تاپوب معیار ئولور
.
.
سرزمین کربلا گویا منای عشقدور
نالۀ نی دور اوجالمیش نینوای عشقدور
گلشن وحدت حریم باصفای عشقدور
آتشی بیر گل میان تیغه های عشقدور
.
.
شمع فانوس هدایت آز قالور خاموش اولا
اوخلار آلتدا سرّ حق پنهان و پرده پوش اولا
گل وجودی داشلار آلتیندا قالوب مفروش اولا
عهد و پیمان السته قان ایدور ایثار ئولور
.
.
پیکر عنقای قاف حقّ اولوبدی غرق خون
ذورق امّت قالوب دریا ایچینده واژگون
کاخ آزادی یر اوستونده قالوبدی سرخ گون
کاخ اولوبدی منهدم ظاهرده چون معمار ئولور
.
.
ایستور اولسون انبیا و اولیادن سرفراز
ایلوری هر لحظه ده معناده کسب امتیاز
قلبینون قانین یغوبدی ائتسون آب دستماز
صاحب خون خداوند حق دادار ئولور
.
.
ختم قیل #هادی سوزون خوشدور یقیناً مجملی
فیضیوه شرکتدی «شوریّ» و «چرندابی» ، «علی»(1)
روح پاک هر وقتیده معناده حاضردور بلی
روح ئولمز ئولسه جسم و پیکر بی عار ئولور
.
(1) مرحوم #شوری_تبریزی (صاحب کتاب #زبدةالمصائب ) از شاعران دربار امام حسین (ع) ، مرحوم «چرندابی» از نوحه خوانان تبریز و مرحوم مشهدی علی خرازی از حسینیان عزادار و هر سه از دوستان صمیمی مرحوم هادی تبریزی بودند.
.
.
.
#پیامبراسلام_شهادت
#جان_ویرور_پیغمبر_اکرم_شه_ابرار_ئولور
#پیامبراسلام_هادی_تبریزی
#ترکی
.
✍️ #زبدةالاشعار✍️
.
🆔: @nohe_torki