جده دیوله یثربه قاصد کربلا گلور #ورود_مدینه_دلریش

زبانحال حضرت صغرا (س)
در بازگشت اهل بیت به مدینه
..
..
..
..
مرحوم دلریش
..
..
..
..
جده دیولَّه یثربه قاصد کربلا گلور
دور گتی بیر خبر هاچان اکبر مه لقا گلور
..
..
..
..
مدّتیدور ایدوب فلک هجریله خسته گویلومی
کنج قفسده جدّه جان بو پری بسته گویلومی
شاد ایله حق رضاسینه سن بو شکسته گویلومی
ویرگله وصل مژده سین دردیمه چون دوا گلور
..
..
..
..
مدّتیدور که یانموشام آل على فراقینه
یوخ داخی طاقتیم دؤزَم اکبرین اشتیاقینه
جدّه دو زینت ایلیاق قارداشیمون اطاقینه
چون که سفردن اول گُل گلشن مصطفا گلور
..
..
..
..
شاد ایله جدّه جان ئوزون سن من زار و مضطرى
حاضر ایله بو بزم ده مشگ و گلاب و عنبری
من بولورم که توز دوتار یولدا او زلف اکبری
زلفینه شانه ایلرم تا که او باوفا گلور
..
..
..
..
جدّه نه وقته دین بیله دیده سی پُر نم اگلشوم
درد فراقدن چکوم محنتیله غم اگلشوم
قارداشیم اکبریله گر وجدیله بیر دم اگلشوم
چاره اولار بو دردیمه دردیمه بول شفا گلور
..
..
..
..
یثرب ایچینده بولمورم بیر بیله شور و شین ندور
خلق دگوبدی بیر بیره شورش عالمین ندور
گوشیمه دمبدم یتر نالۀ واحسین ندور
کیمدی بو جمع باشلیوب جدّه بیله عزا گلور
..
..
..
..
سویله صریحینی منه جدّۀ دیده تر منه
بو نه فغاندی خلق ایدر ویرگیله بیر خبر منه
غصه منی هلاک ایدر سویلمه سن اگر منه
اهل مدینه بس نَدَن باشه سالوب قرا گلور
..
..
..
..
یوخسا شهید ایدوبدیلر جده بابامی کوفیان
ئولسه بابام ایشیم اولور شام و سحر منیم فغان
واردی علاجون ایتگلَن جَدَّه اماندور الامان
دولدی غمیله بو گویول محنت کربلا گلور
..
..
..
..
باشیمه کول توکوب مگر جدّه بو چرخ بیوفا
اکبری ئولدوروبدیلر یوخسا که قوم بی حیا
واردی حیاتیم آغلارام ئولسه او شبه مصطفا
اکبری یوخ مدینیه لیلی مبتلا گلور
..
..
..
..
یوخسا دیار تَفّ ده اهل جفا قیلوب ستم
جدّه عمومون اهل کین قوللارینی ایدوب قلم
آل رسولی سربسر اوردا قویوبلا دیده نم
زینب بینوائیلن قانه باتان لوا گلور
..
..
..
..
بو نجه غمدی چولقیوب جدّه بو گون مدینه نی
شمر لعین اسیر ایدوب یوخسا باجیم سکینه نی
ئولدوری طعن کوفیان اول مه بی قرینه نی
بسکه چکوب خرابه ده جوریله هم جفا گلور
..
..
..
..
یا حسین ایله بیر نظر دلریش دل فگاره سن
قسمت ایله زیارتون بیرده اونا دوباره سن
چون سنه نوحه خوان دور ایتسن اونا نظاره سن
قبریوه یا حسین سنون عجزیله چون گدا گلور
..
..
..
..
#ورود_مدینه #دلریش #ترکی #زبدةالاشعار