در توصیف و تعاریف سیدالشهدا علیه السلام وشیفتگان و عاشقان آنحضرت
.
✍️ #زبدةالاشعار ✍️
.
🆔: @nohe_torki
.
محمد وهابزاده (عیّار اردبیلی)
.
سَنلَنَم ای قلم اطاعت ائله
فکریمین سوزلرین روایت ائله
.
اولورام سوز یازاندا بیر مجنون
گوزله بیر آز منی رعایت ائله
.
گورورم گاهی بعضی شعری گوزل
نفسیم امّا دیور رقابت ائله
.
دوشموشوک دورِ باطله هامیموز
آخِر الامری گل شِفاعت ائله
.
حاجتون اولماسون مدرک و لقبه
نسخه ده یاز حسین طبابت ائله
.
نیّتون خالص ایله بیر حرّ اُول
بوینوا چکمه سال نِدامت ائله
.
بیلورم شعری ساده ایستمیسوز
یاز حسین دفتره قیامت ائله
.
دوزدی شاعرلر ایچره چوخ کیچیکم
مُنصف اُول شعریمه حمایت ائله
.
گورسون هریرده گر حسینون آدین
سجده ائت قلبیدن ارادت ائله
.
یاز ستون مسجد اوسته حسین
اورانی کعبه فرض ائله زیارت ائله
.
دوشدی سوز حج و کعبه دن خامه
عشقیدن یاز حسیندی برنامه
.
اود دوتوب قلبیم آز قالور آلیشا
سیزلَن ایستور که لیلیدن دانیشا
.
کیمسه مجنوندی سسلسون لبیک
سینه ده اَل دئسون سلام و علیک
.
ای حسین ای شهید بی همتا
دلی دیوانه لر فدا آدووا
.
اولدی قرآن اگر چه جاویدان
سن یخیلدون یخیلمیا قرآن
.
خالق عشق و شور و عرفان سان
سن امامِ تمامِ اَدیان سان
.
گرچه قرآن کتاب اقدسدور
اودی مصحف سن اصل قرآن سان
.
دوزدی قرآندا (قل هوالواحد)
قلبیمه سن بیر آیری یزدان سان
.
سن پوزوبسان رسوم درباری
وصله نعلینی پاده سلطان سان
.
کیم دئسه یوخ شرافت و غیرت
رگ غیرتده جاری بیر قان سان
.
کیم دئسه یوخدی رسم حرّیت
دییرم گئت که غافل انسان سان
.
کیم دئسه یوخدی عشق و وجد و جنون
یازارام ذات جود و وجدان سان
.
پهلوان کیمدی ، قهرمان کیمدی
سن فقط شیر مردِ دوران سان
.
سسله حنجرده قوی سسون باتسون
یا حسین سن عجب مسلمان سان
.
یوخ مسلمان بو سوز چوخ اسگیکدی
دئمرم این سن، ویا آن سان
.
قالدیم آواره شآنووه نه یازیم
بئله سوز گلدی زینبه جان سان
.
#حسینیه_مدح
#سنلنم_ای_قلم_اطاعت_ائله
#محمد_وهابزاده
#ترکی
.
✍️ #زبدةالاشعار ✍️
.
🆔: @nohe_torki
نظر دهید