زبدةالاشعار

جذبۀ حسین آپاردی زینبی دیار شامه #اربعین_صراف_تبریزی

اربعین
.
✍️ #زبدةالاشعار ✍️
.
🆔: @nohe_torki
.
#سبک_سو_یوخومدی_قزلاروندان
.
مرحوم حاج رضا صراف تبریزی
.
جذبۀ حسین آپاردی زینبی دیار شامه
شام شومدن دوباره چکدی وادی سلامه
.
.
وادی غم و بلایه، چون یتوب قطار زینب
اولدی شام درد و غم تک تیره روزگار زینب
چکدی ناله دوشدی دیلدن گئتدی اختیار زینب
وئردی بیر غریبه حالت یوز او بانوی کرامه
.
.
گؤردی تا حسین مزارین، دوشدی ناقه دن چو سایه
شوط ائدوب او قبری آلدى اهل بیتلن آرایه
سؤیلدی وئرین منیله بیر زمان صدا صدایه
آغلیاق دویونجا باری بو امام تشنه کامه
.
.
اهل بیتدن اوجالدی عرشه بانگ واحسینا
گوئیا اولوب او چؤلده شور محشر آشکارا
قبر اکبر اوسته آچدی باشینی جناب لیلا
سؤیلدی گلور گمانیم بیر بو زلف مشک فامه
.
.
آچماییم اوغول بو قبرون اوسته زلف قاره، نئیلوم
گلمه ییم سنون غمونده نی تک آه و زاره نئیلوم
آغلاماقدان اؤزگه یوخدور درد هجره چاره نئیلوم
آغلارام بو چولده عمریم بلکه تئز یئته تمامه
.
.
گئیمرم على ئؤلونجه اگنیمه لباس فاخر
گئتمرم حجازه سنسیز بو دیاردن من آخر
گل منی یانوندا ساخلا قبروه اولوم مجاور
ساخلیوم عزا بو یئرده سنله بوغریب امامه
.
.
آلدی قاسم اشتیاقی نوعروسون اختیارین
هر یانا باخوب او چولده گؤرمدی اونون مزارین
ناگهان صبا یئتوردی بوی وصل آلوب قرارین
گؤردی بیر طرفدن آرتیق عطر جان یئتر مشامه
.
.
یوز قویوب او سمته ساری نوعروس دلشکسته
یئتدی سایه تک دؤشندی قاسمین مزاری اوسته
آچمیوب باشین، اگر چه زلفین آچدی دسته دسته
عصمت و حیا، عروسی قویمیوب یئته مرامه
.
.
عرض ائدوب عم اوغلی دوشدوم محنت و بلایه سنسیز
دستگیر اولدوم آخر قوم اشقیایه سنسیز
شمر بی حیا الیندن ائیلرم گلایه سن سیز
شامده منی آپاردی سر برهنه بزم عامه
.
.
یئتدی قاسمون آناسی باتدی محنت و ملاله
حالت عروسی گورجک قالدی بیر غریبه حاله
سؤیلدی گؤزون فداسی فاطمه، چوخ ائیله ناله
آغلا اوغلوما جواندور، یئتمیوب جهاندا كامه
.
.
گؤردی چون جناب کلثوم اهل بیتی مایل غم
آلمیش اختیارین الدن جذبۀ کنار علقم
اهل بیتلن، ابوالفضل قبرینه یئتیشدی باهم
ایلدی او یئرده طُرفه محفل عزا تمامه
.
.
مجلس عزاده صراف آغلا، موسم بكادور
گؤز یاشی جزا گونونده دردیوه یقین دوادور
بو مصیبت غم افزا بسکه اودلی ماجرادور
اولماسیدی اشک چشمون، اود دوتوب یاناردی خامه
.
.
#اربعین_صراف_تبریزی
#جذبه_حسین_آپاردی_زینبی_دیار_شامه
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  مصیبتین بیری مافوقین ایلسه تعداد #سجادیه_سعدی_زمان

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی