جذبۀ عشق گتوردی منی میدانه بابا #اصغریه_معتکف

زبانحال حضرت علی اصغر (علیه السلام)
.
زبدة الاشعار

?: @nohe_torki
.
علی اصغر زاهدی (معتکف)
.
جذبۀ عشق گتوردی منی میدانه بابا
گوگلومی آلدی هدف ایلدی پیکانه بابا
.
.
ایله مجذوب ائلموشدی منی سودای سفر
پر آچاندامنه ساری اودی پیکان سه پر
چشم بینائیله ایتدیم اونا امعان نظر
دلده ئر ویردیم ایله مرغ پرافشانه بابا
.
.
عقل ازلده دیدی بو قان توکن اغیار اوخودی
عشق سویلوب دیمه اغیار بو دلدار اوخودی
گرچه اغیار الیله گلوری یار اوخودی
یار آدی گلدی منی ایلدی دیوانه بابا
.
.
من بابا یار آدینون عاشق دیوانه سیم
مستِ تَه جرعۀ پیمانۀ میخانه سیم
سرخوش جاذبۀ نرگس مستانه سیم
داخی بیلمم ندی باده نه دی پیمانه بابا
.
.
ساغر عشقی نگوردوم گتورور ساقی تیر
دولی اَلدَه مِیِ وحدت نه که صهبای عصیر
آختاریر عاشق جانباز صغیر عشقده پیر
تا منی گوردی ایدوب غرّش مستانه بابا
.
.
قلب عالم ولی اول غرّشیله اولدی ملول
نیّر چرخ هُداده گورونوب حال أفول
پیک دلداریدی عشقیم دیدی ویر رمز قبول
سلم محض اولدوم او پیکه ایله فرمانه بابا
.
.
قصد قیلدی اوپه حلقیمدن اودم ساقی تیر
أمر ایدوب عشقدن آل رخصت ازل، مرشد پیر
رخصت آلدی، گورلی نخبۀ عشاقی فُجیر
ایدوب آهنگ نوا وگلوب افغانه بابا
.
.
سلک عشقین یته لی سالک فرزانه سینه
دیدی قوی باشوی شاهین یارالی شانه سینه
قان سپوپ اهل ولانین ره میخانه سینه
گله صاحب دل اولان تا در میخانه بابا
.
.
لاجرم غنچه ده سولدی گل گلخانۀ شاه
سیندی میخانه ده مِی دن دولی پیمانۀ شاه
بیر لبالب قدحی ویردی نشان شانۀ شاه
نه لبالب قدح و باده و نه شانه بابا
.
.
قان شرابی قدح دلده لبالب اولالی
آرزو ساغرینه بادۀ وصلت دولالی
گلشن عشقده غنچه سارالوب گل سولالی
گلمه مشدی سنه بو حال غریبانه بابا
.
.
نشئه بادۀ وحدت منی ایتمندی خمار
گوگلوم ایستوردی گورم عزّتیله مجلس یار
حمد لِله اَلون اوستونده تاپوپ عشقیم عیار
یول آچیلدی گیدیرم مجلس جانانه بابا
.
.
قان شرابین ایچه هر کیمسه بو یولدا اولی مست
عشق جانان ایدوب ازّلده منی باده پرست
مستیدیم اوندا که پیمانۀ جان اولدی شکست
نوشخند ایتدیم اودور ناوک پیکانه بابا
.
.
منی بر نحویله ایلوبدی بلا باداسی مست
که گورن حالیمی بالمرّه اولور باده پرست
سن دولاندیر ره میخانه نی ای مست الست
رهِ میخانه ده خوشدور سینا پیمانه بابا
.
.
اولدی تا عالم عشقونده درِ میکده باز
ایلدی باده پرستان هوس میکده باز
منی ده ایلدی پیمانه سسی میکده باز
گلدیم آخر اودی بو محفل عرفانه بابا
.
.
اوجالان وقتیده میخانه ده پیمانه سسی
چوخالار باده پرستین بلی دلده هوسی
بیرینین پیر مرادی اولا گر هم نفسی
نجه ایتمز هوس باده و میخانه بابا
.
.
منه گهواره ده تا یتدی بلایا قدحی
بیله بیلدیم ایدیرم من بابا رؤیا قدحی
لیک گوردوم وئروری یار اوزی گویا قدحی
اودی بو صحنیه گلدیم بئله مستانه بابا
.
.
گوئیا معتکفه عشق یولی ساده گلیر
او خیالیله ایدوبدور هوس باده گلیر
بیلموری وار هله بوینوندا نه قلاده گلیر
کیم سالور گور اوزونی مسلک رندانه بابا
.
#سبک_یارالی_جان_یارالی ( 4 سبک شامل سبک های کربلا_منتظر_ماست … گل_حلال_ایله_منی … شهریاریمسن_آقا … یارالی_جان_یارالی )
پخش‌کننده صوت

?: @nohe_torki