جفا الیله یتوبدور عمریمون خزانی خدایا #کاظمیه_حسین_رحمتی

زبان حال حضرت موسی بن جعفر (علیه السلام)
.
#زبدةالاشعار
.
: @nohe_torki
.
مرحوم حاج میرزا #حسین_رحمتی
.
.
جفا الیله یتوبدور عمریمون خزانی خدایا
اریددی گوشه زندان بو خسته جانی خدایا
.
اگرچه دائم الهی سندن ایستدیم بله بیر یر
عبادتیمی ایدم من سنه نهانی خدایا
.
ولی امانه گتوردی منی اذیّت هارون
آلوبدی کنده الیمدن طاقت و توانی خدایا
.
ضعیف آغاجه ویررسن نجات توپراق ایچیندن
خلاص ائدرسن اوزین سن جسمدن روانی خدایا
.
من غریبی ده هارون ظلم کارین الیندن
خلاص ایله اوزین سن قوتار جفانی خدایا
.
قزیم یانومدا دگل، دیز اوسته باشیمی آلسون
گوزیمی باغلیا باری ئولوم زمانی خدایا
.
غریب ئؤلسم اگر من جنازم اوسته گلر کیم
قویار مزاره بو غمدن رنگی زعفرانی خدایا
.
مگر شکنجۀ هارون منه دگولدی کفایت
روانه کُده ایدوبدور دیزلریمده قانی خدایا
.
مریضی رسمدور عالمده ایلیللر عیادت
خصوص اونا آپارالّار بیرارمغانی خدایا
.
من غریبیده یادّان چخاتمیوب هارون
منه عیادته یولار قمچنینی وورانی خدایا
.
نه وقته دین بو جفانی چکوم یانوم قوری یرده
نه وقته دین توتاجاق غم بو مبتلانی خدایا
.
بو یرده (رحمتی) جانیله دلدن ایستوری سندن
زیارتین بو امامین بیرده کربلانی خدایا
.
#کاظمیه_شهادت
#جفا_الیله_یتوبدور_عمریمون_خزانی_خدایا
#ترکی
.
#زبدةالاشعار
.
: @nohe_torki