شهادت حضرت زهرا (س)
.
✍️ زبدة الاشعار ✍️
🆔: @nohe_torki
.
#علی_تیموری اردبیلی
.
گلمیشم من قبرون اوسته دیده گریان فاطمه
حالیمه باخ اولمیشام زار و پریشان فاطمه
.
قلبیمی یاندیردلار یثربده درگاهون کیمی
خانه ی شیر خدانی یخدی دونّان فاطمه
.
رسمدور مهمان گلنده ایلی یلر پیشواز
پیشواز ایله علینی گلدی مهمان فاطمه
.
ای مدینه گوهری یثربده مظلوم اولمیشام
ایلیوبلر حجّت یزدانی نالان فاطمه
.
مرتضانین اهل یثرب دای سلامین آلمیور
قالمیشام دشمن ائدن رفتاره حیران فاطمه
.
ماجرای کوچه نی یادان چیخارتمورمجتبی
سن نهان ائتدون ولی ائتمور او پنهان فاطمه
.
گه حسینه ماجرای کوچه نی تعریف ائدور
باهم ائوده ایلیولر آه و افغان فاطمه
.
بیلمورم علت ندور چوخ آغلیور اوغلون حسن
ناله سی بس کی ائدوبدورقلبیمی قان فاطمه
.
وای ننه سسلور اوشاقلار ائوده قلبیم اودلانور
خاطراتون چخمیوربیرلحظه یاددان فاطمه
.
ختم قوردوخ ائوده بیز آچدوخ یانان درگاهووی
گلمدی ترحیمووه حتّی مسلمان فاطمه
.
ایستیوردی قبرووه دشمن جسارت ایلسون
قبروون اوسته اودوراولدوم نگهبان فاطمه
.
نیلیوم ایتدی بیزیلن کشمکش بوقوم دون
ایلیور امت ندن طاهایه عدوان فاطمه
.
هرقدر محنت واریدی توکدی امّت اوستومه
قلبیمه هجرونده دولدی بسکه احزان فاطمه
.
دعوت ائت تیموری نی یثربده گلسون آغلاسین
قبروون مشتاقیدی امّا یوخ امکان فاطمه
.
#فاطمیه_شهادت
#گلمیشم_من_قبرون_اوسته_دیده_گریان_فاطمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید