جهاندا ایستیوسن صاحب افتخار اولاسان #حسینیه_نادری

حقیقی حسینچی
.
زبدة الاشعار

?: @nohe_torki
.
مرحوم نادری میانجی
.
جهاندا ایستیوسن صاحب افتخار اولاسان
گَرکدی عترت طاهایه جان نثار اولاسان
.
عنانِ نفسوی عقلین اَلینده قوی قالسین
او قویماسون سنی محشرده شرمسار اولاسان
.
مجازی اولما حقیقی حسینچی اول تا که
حسین آدیلا قیامتده اشتهار اولاسان
.
علینون اوغلی ابوالفضلیدن مراد ایسته
ایکی جهاندا ئوزون مرد کامکار اولاسان
.
گیدوب وفا ادب اورگش او عبد صالحدن
اگر خیال وارون فرد رستگار اولاسان
.
حسینون اوغلی علی اکبره غلام کیمی
علاقه مند اولوب عشقونده خاکسار اولاسان
.
طوئی عزایه دونن قاسمه عزا ساخلا
آناسی فاطمه تک سنده داغدار اولاسان
.
گتور خیاله اونون شیر خواره اصغرینی
آدی گَلنده عزاسینده اشگبار اولاسان
.
رعایت #ادب ایله اولار گیدن یولی گیت
اولار که شامل الطاف کردگار اولاسان
.
صمیم قلبله قوی عرصه گاه عشقه قدم
بهشته #حر کیمی صاحب اختیار اولاسان
.
ئوزونده « #نادری » جهد ایت نه قدری عمرون وار
بو بارگاهده صدقیله پایدار اولاسان
.
بودور منیم غرضیم ای کتاب « #جانبازان »
علاقمند اولان اشخاصه یادگار اولاسان
.
#پندیات
#حسینیه_مدح
#جهاندا_ایستیوسن_صاحب_افتخار_اولاسان
#نادری
#ترکی
.
#زبدةالاشعار

?: @nohe_torki