جهانه صولتون سالوب صدا اباالفضل #حضرت_ام_البنین_یحیوی_اردبیلی

سوزوگداز ام البنین (س) بر سقای کربلا
.
.
.
مرحوم یحیوی اردبیلی
.
جهانه صولتون سالوب صدا اباالفضل
او خوردا قبروه آنون فدا اباالفضل
.
فراته مشکوی سالوب سو دولدوروبسان
او نفس پاکوه آنون اولیدی قربان
.
حسینه خدمت ایلدون صداقتیلن
دونوب خیامه باخموسان چوخ حسرتیلن
.
آتون علیدن أئتمدون منی خجالت
بو فخریدور نصیب أولوب سنه شهادت
.
سنون بالاجا اوغلووی قوجاقه آلّام
هی آغلارام گوزوم یاشین روانه قیلّام
.
حسینیمه چوخ آغلارام وارام نقدری
او سرو قامتون سنون او خوردا قبری
.
دیورلر اوغلوون چتیندو ماجراسی
کسوب قباقوی ووروبلا دل یاراسی
.
مهمّ جنگ اولوب دیولّه کربلاده
نه ظلم ائدوبله ایستدون حسینی داده
.
یوخیدی قولارون سنون عقابون اوسته
تکیّه سیز نجه دوشوب ترابون اوسته
.
سو ایچمیوب فراتیدن سوسوز چخوبسان
قضای حقه وئرموسن رضا اباالفضل
.
سو مشکووه ووروبار اوخ عداوتیلن
بدندن اولدی قولّارون جدا اباالفضل
.
وصیتین قبول ائدوب تاپوبسان عزت
اوز عهدوه سن ایلدون وفا ابالفضل
.
جمالینه باخوب سنی خیاله سالام
بو گوز یاشیمدو دردیمه دوا ابا الفضل
.
مجسم ایلرم سنی او ماه بدری
خیاله سالّام ایلرم نوا اباالفضل
.
او ظلمه صبر ایلمز اوغول آناسی
بو سؤز ووروبدو قلبیمه یارا اباالفضل
.
سنی گوروبله تک او دشت غم فزاده
اولان زماندا سرنگون لوا أباالفضل
.
شهامتیله قالموسان رکابون اوسته
اولیدی بو جهان گوروم فنا اباالفضل
.
او قانلی گوزله باخ بو گون بیزیم حیاته
جهانی دولدوروب بوتون اَیا اباالفضل
.
یالانچی شیعه لر، آتیب معادی یاددان
بولار یزیده ایلر اقتدا اباالفضل
.
حسین آدین بیر عده ائیلیوب تجارت
حسین آدیلا جمع ائدیر طلا اباالفضل
.
حسینین عشقینی ساتان، دگول حسین چی
منه اولوبدی عرشدن ندا، اباالفضل
.
تیکییدی #یحیوی گوزون حسینه تنها
برات حُسن فعل اولا عطا اباالفضل
.
.
.
.
#حضرت_ام_البنین_یحیوی_اردبیلی
#جهانه_صولتون_سالوب_صدا_اباالفضل
#ترکی
.
.