جوش ایلیوب قان سینه ده گوزدن عیان دریا گئدور #مصیبی_تبریزی

خروج از مدینه
#گریز به زبانحال حضرت رقیه سلام الله علیها در خرابه شام
.
#زبدةالاشعار
.
: @nohe_torki
.
#مصیبی_تبریزی
.
جوش ایلیوب قان سینه ده گوزدن عیان دریا گئدور
زهرا ائویندن نصف شب دلدادۀ زهرا گئدور
.
مینلر ئورک همراهیدور هر چند شاه مشرقه
اما شهادت قافینه عنقای غم تنها گئدور
.
عهد الست امضاسینه پابند اولان سلطان دین
لوح وثاقی ایله سین ئوز قانینه امضا گئدور
.
ملک حجازه آبرو دوشموش یولا بی گفتگو
قانیله تا آلسون وضو حرّیته معنا گئدور
.
سینادن آیریلماق نئجه موسایه اولموشدی چتین
بیر ایله حالتده حسین باشینده مین سودا گئدور
.
بیر شه کی بیر تار توکی اشرفدی کل عالمه
یثربده مأمن تاپمیوب محزون و بی مأوا گئدور
.
آیریلدی بحر غیضیدن کشتیِّ غمبار ولا
گویا کی غم گردابینه طوفان دوشوب دریا گئدور
.
جان نقدی الده باغلیوب بار سفر پور علی
سینای وحدتدن چیخوب طوره بوگون موسا گئدور
.
گور کیمسه لر همراهیدور کیملر انیس شاهیدور
بیر نئچه دلبردن دییوم گور نئچه مه سیما گئدور
.
زینب مصمم حالیلن زهرا منش اجلالیلن
گویا کی یثربدن چیخوب انسیۀ حورا گئدور
.
اکبر نه اکبر ماهیدور عیناً رسولُ الّلهیدور
گویا کنار قافله شخصاَ خود طاها گئدور
.
بیر یَل کی غم عینینده دی،پرچم اونون چیگنینده دی
دردآشنا مشکل گشا صاحب لوا سقا گئدور
.
واربیر خانم قلبی کباب بیر صود امر چون ماهتاب
لای لای چالور آغلور رباب ذهنینده چوخ رویا گئدور
.
قاسم نگار مه لقا ، زیبا سلیل مجتبی
اگنینده بیر ساده قبا قلبینده مین غوغا گئدور
.
بیر اوچ یاشیندا نازنین بیر دختر انور جبین
چکمیش بو نازلی دلبری آغوشینه لیلا گئدور
.
ایندی اولوب محمل نشین امّا فلک گورسه ایشین
ایلر اونی ویران نشین باهم گلوب تنها گئدور
.
هردم دیئردی زینبه ؛ عمّه ، جانیم دینجلمه دی
اکبر ندن بس گلمه دی جسمیمده کی یارا گئدور
.
از بس یازوب اکبر آدون توپراقلار اوسته،آغلادی
تا جان بد ندن آیریلوب نقشین ائدوب ایفا گئدور
.
ای پادشاه مه لقا کسمه «مصیّب دن» عطا
وئر بیر برات کربلا باخ گور نئجه شیدا گئدور
.
.
#خروج_مدینه
#حضرت_رقیه
#جوش_ایلیوب_قان_سینه_ده_گوزدن_عیان_دریا_گئدور
#ترکی
.
#زبدةالاشعار
.
: @nohe_torki