مجلس ابن زیاد لعین
.
✍️ #زبدةالاشعار ✍️
.
🆔: @nohe_torki
.
مرحوم ذوقی
.
ایا امام زمان یا بقیة الأخیار
بو ظلم شرحینه سندن کمال عذریم وار
.
او دم که زاده مرجانه کَونی یاندیردی
دؤنوب خانملارا غیظیله گوز دولاندیردی
.
توان و تاب دل آلِ مصطفادن آلون
دایانمیون گتورون سفرۀ طعام سالون
.
غرض او بزمده یابن الحسن امام زمان
نه چکدی عمّه لرون بولمورم سنه قربان
.
دوشندی سفره دوشندی طعام رنگارگ
او آج بالالارین اولدی گوزینده دنیا تنگ
.
اوشاقلارین قباقین کسدیلر بیوکلر ئوزی
ساتاشماسین او خانم قزلارین طعامه گوزی
.
طعامین عطرى یتنده مشام اطفاله
خدا بولور بالا قیزلار قالوبدی نه حاله
.
مجسّم ایلیون اوضاع بزمی او حالی
گورون نجه پوزوب آجلیق او خرده اطفالی
.
طعام خونچالاری تا دوزولدی سرتاسر
حرم لر عارضه توکدی و لیک اشگ بصر
.
بیوک آج اولسادا واضحدی بو بیان ائتمز
اوشاق طایفه سی آجلیقا دوام ائتمز
.
حریم عصمتی بو غصّه گور نه حاله سالار
که بویلانوب او طعامه باخا بالا بالالار
.
آلوردی زینب مظلومه دن خصوص آرام
دیَن زمان بالالار عمّه جان آماندی آجام
.
آنا کیمی خانم اطفاله مهربانیدی چوخ
اولارین آجلیقی آخر اونا گرانیدی چوخ
.
اوئیدی حالی پوزولموشدی چوخ او بی یارین
چکردی نازینی اطفال بی پرستارین
بر سوز که عرض اید ورم هر دله اثر ایلر
صحیحدور دوزی سجاد امام دندی خبر
.
یازوللا شامون او ویرانه سینده صبح و مسا
نمازین اوتدونی یرده خانم ایدردی ادا
.
دگولدی بی سبب البته علّتی واریدی
او حالیلن خانمین مدّت عادتی واریدی
.
وئروردیلر اولارا گونده نان بیر مقدار
خانم گورردی که دویمور قالولا آج بالالار
.
وئرردی حصّه سین اطفال خرد ساله تمام
توانی اولمازیدی ایلسون نمازه قیام
.
ملال کوفه نی «ذوقی» سن اختتام ایله
بو غم تمامه یتن غم دگول تمام ایله
.
.
#مجلس_ابن_زیاد #ذوقی_تبریزی
#ایا_امام_زمان_یا_بقیة_الأخیار
#ترکی
.
✍️ #زبدةالاشعار ✍️
.
🆔: @nohe_torki
نظر دهید