زبدةالاشعار

حجّت مقتدر ربّی الاعلادور علی #حیدریه_انور_اردبیلی

در مدح ابوالائمه (ع)
#گریز به #حیدریه_شهادت
#گریز به #قتلگاه
.
✍️ #زبدةالاشعار ✍️
.
🆔: @nohe_torki
.
مرحوم انور اردبیلی
.
حجّت مقتدر ربّی الاعلادور علی
مفخر ختم رسل آدمه مولادور علی
محور ما خلقه طلعت زیبادور علی
صورت احسنی آئینۀ توحید نما
بندۀ شاخص و ممتاز فداکار خدا
.
.
رهرو راه وفا رهبر مافوق بشر
شب ظلمت اثر جهله فروزنده سحر
قرب اعلاسینه هیهات ملائک آچا پر
ذرّۀ حکمتینه غبطه سلیمان ایلین
نظر حکمتی لقمانلاری حیران ایلین
.
.
قرن موشکدی بلی موسم تسخیر فضا
جهش علمیله مقرون سعادت علما
عصر حاضر ملل راقبۀ عالم آرا
دولت علم علی پخش فضیلت ایلور
علم صاحب لرینه یعنی حکومت ایلور
.
.
علی اول کیمسه دی پیغمبره قارداش سایلور
منطق و علمی جهان وار نقدر باش سایلور
نغز گفتاری کلام اللهه یولداش سایلور
عُقَلانی ایدوب حیران ایلیوب عقلی حصار
وار مگر غیر از علی صاحب کلمات قصار
.
.
هامی گوینده لرون فکری تمرکز تاپا گر
مغز نیرولرینی خرجه ویروب سوز دیه لر
اهل معنادن همان سوز ایلسه جلب نظر
مغزدار اولسا سوزوم یوخ اثری مغزه دولار
بیر کیچیک جمله علیدن اوخونا هیچ اولار
.
.
علی اول کوه مُعظّمدی سرافراز و متین
علملر نهرلری واردی قوجاقینده یقین
جاری اولدوقجا فضیلت آپارور اهل زمین
باغ انسانیت اؤز ایستدیگی فیضین آلور
گونی گوندن خوش اولور خرّم و سرسبز قالور
.
.
هر نه زیبنده صفت عالم اسلامیده وار
هر خوش حکمی که و یا داور احکامیده وار
هر نه شایسته عمل مردم ایّامیده وار
یا که هر سوز گتورور مردمه شور و هیجان
اثر شاه ولایتدی بلور منصف اولان
.
.
حاتم طائینی واله ایلیوبدور کرمی
شاه کسرانی سالوب حیرته عدل و حشمی
یوخ قضاوتده علی تک تانیان متّهمی
نه عبادتده چاتان واردی اونون پایه سینه
نه شجاعتده یتوب کیمسه اونون سایه سینه
.
.
بیر وجودیکه مباهات ایلیوب اهل سما
مولدی کعبه مربّی سی نبی شمس هدا
بیر وجودیکه معرّفدی اونا ذات خدا
حیطۀ مدحینه کیم قویسا قدم تنگه دوشر
کاروان قلمی خسته لنوب لنگه دوشر
.
.
علی اول شمس فروزاندی که اولماز خاموش
علی اول کسدی نماز اوسته اولاردی مدهوش
او مجاهددی که پیغمبریله دوش به دوش
غزوات متعدّدده ایدوب سعی تمام
امنده قالدی وجودیله حریم اسلام
.
.
جنگ خونین احد معرکۀ خوف و خطر
پوزولوب لشکر دین تاپدی عدو فتح و ظفر
ئولن ئولدی قاچانی قاچدی قالوب نچّه نفر
چان پیغمبره جانین سپر ائتمیشدی علی
نیزه اوخ یاره سی دگمیشدی یخلموردی ولی
.
.
پر وروردی نبوی نورینه پروانه مثال
قویمیوردی اونی خاموش ایلسون دست زوال
دیدی پیغمبر او ساعت اونا ای پاک خصال
چوخ یارون واردی ئولوم فکرینی ائتمورسن علی
عمون اوغلانلاری گتدی نیه گئتموررسن علی
.
.
دیدی پیغمبره اول یوم بلا دادرسی
نقدر واردی علینون بدنینده نفسی
سنه نسبت بلوسن هر نفس آرتور هوسی
ساحت حقّده من عبد عبادت گزورم
آردونیجا گلورم فیض شهادت گزورم
.
.
جنگ صفّینیده امر ایلدی اول پیر خرد
ای محمد حنفیّه ایله بیر نوعی نبرد
یاره دگسه نقدر جسموه اولما دلسرد
تیره باران ایلینده سنی بو اهل جفا
سپری نیلوسن اوغلوم سینوی ویر قباقا
.
.
حمله ائتدی سپه کفره او فرزند رشید
قزشوب نار جدل نائره سی اولدی شدید
ردّ تیر ایتدی کماندان او قدر قوم پلید
اولدی آگاه محمد حنفیّه خطره
اوزینی ساخلیا ایمنده ال آتدی سپره
.
.
اولمادی محضر مولاده بو رفتار سزا
بی سپر گئتدی اوزی رزمگهه شیر خدا
سندیروب صفلری رجعت ایلدی برق آسا
گوردیلر صدمه یتوب معرفت آئینه سینه
زرهون حلقه لریندن کچوب اوخ سینه سینه
.
.
دیدی دعواده بلون عزّت و اعزاز ندور
دین اسلامیده یا معنی سرباز ندور
جان سِتان اوخدان اگر باک ایده جانباز ندور
منه کیم پیرویدور بو سوزی ایتسون احساس
یوخدی فرهنگ علیده لغت خوف و هراس
.
.
ساخلادی بو سوزی قلبینده #ابوالفضل دلیر
صاق قولین تندن آیردی ایله که قوم شریر
یوزینی دوتدی دیدی لشگره اول پاک ضمیر
صاق قولوم قطع اولوب اظهار شهامت ایدرم
صول الیم دوشسه ده دینمدن حمایت ایدرم
.
.
بودی فکریم ایلیم خدمت امام زمنه
ویرمرم رأی سلیمانیمی من اهرمنه
باش وئروب جلب رضایت ایلسم بسدی منه
قاچمورام معرکۀ جنگیدن اغیاره گوره
گئدورم خیمیه ساری بالا قزلاره گوره
.
.
کربلا واقعه سنیدن قلمیم ایتدی عدول
راد مردیکه بِجرتدی بو رشادتده اوغول
ساعت عمری مدار ائتدوگجه اولدی ملول
بَنزَدی بیر کسه گویا نچه ایل لیل و نهار
استخوان گود گلوسنده گوزینده قالا خار
.
.
قرخ هجرت اون اوچی ماه شریف رمضان
موقع نطقده اوغلی حَسنه ایتدی بیان
رمضانون نچه مینجی گونیدور ایله عیان
گلدی گفتاره او دل باختۀ حلم و حیا
عرض قیلدی اون اوچ ماه مبارکدی بابا
.
.
صورا حسرتله حسینون یوزینه قیلدی نگاه
خبر آلدی بو سوزی حجّت اعلای اَلاه
نچه گون قالدی بو آیدان ابا عبدالله
لب دُر بارین آچوب ویردی عریضه ابتا
قالور اون یدّی گونی ماه مبارک قوتارا
.
.
فکری حُضّاری قویوب بهتیده بو ساده سوال
قویمادی مطلبی پوشیده شهِ عرش جلال
الینی ایتدی اشاره یوزینه قیلدی مقال
آغ محاسن که آغاردوب غم میزان و حساب
نچه گون قالدی اولا قرمزی قانیله خضاب
.
.
بیت کلثومده درک ایتدی شب نوزدهمی
دوندورب قبلیه یوز اهل وفا قبله گهی
یاتمادی برحسب عادت او لیل سیهی
دمبدم قادر یکتایه ستایش ایلدی
گرم اولوب طاعتینه ذکر و نیایش ایلدی
.
.
اولدی شب خاطر کلثوم کیمی پر وحشت
ایستموردی قوتارا ایلیه صبحی رؤیت
صبح صادقده طلوعینده چکوردی خجلت
حسنینون او گیجه گوزلری ناخفته ایدی
زینب الهام غم آلمیشدی چوخ آشفته ایدی
.
.
سپری اولدی سراسیمه شب صبح بلا
ئولومه باغلادی محکم بلینی شیر خدا
قویدی کلثومی گوزی یاشلی شه ملک بقا
مسجده گلدی چخوب مَأذَنیه ویردی اذان
خفته لر روح آلوب الله ایوینه اولدی روان
.
.
کِچدی محرابینه مشغول نماز اولدی امام
اقتدا ایتدی جماعت دایانوب ساکت و رام
عَمله گلدی رکوع سجده سنی ایتدی تمام
باشینی قوزدای بیرده ایده اقدام سجود
اندی شمشیر جفا تیترَدی ارکان وجود
.
.
زادۀ ملجم اولوب عامل تکوین خلاف
چوخ اوجا یرده ویروب تیغۀ شمشیره غلاف
سرِ پُر شورِ همایون علی اولدی شکاف
دیدی بو جمله نی محرابیده با صوت جلی
آند اولا کعبه نون الّلهینه دینجلدی علی
.
.
هاتف غیبی ندا ایلدی با لحن رسا
ای یرون اهلی بیلون قُتِلَ العَلی شمس هدا
ایکی یول روح الامین سسلنوب ای اهل عزا
اولی صُبحده اون دوقّوزی ماه رمضان
دُوّمی حلق حسیندن توکولن وقتیده قان
.
.
دوتولوب گون متغّیر اولوب اوضاع زمان
وضع آشوب جهان زینبی ایتدی نگران
قیلدی بو سانحه نی سیّد سجاده بیان
دیدی گل ایله مدد حضرت او بخت سیهه
دامن خیمه نی آت عمّه باخوم قتلگهه
.
.
سمت میدانه باخوب ایلدی احساس خطر
نیزه ده گوردی حسین باشی ایدور جلب نظر
فاطمه معجری قانلو باش آچوب ناله ایدر
ایستدی عمه سین آگاه ایلیه بو خبره
باباوای سویلدی عمامّه سینی ویردی یره
.
.
بار الها به حق پنج تن اهل کسا
« #انورون» طبعینی گویا ایله ویر نطق رسا
کرمون اولدی کلیمه نجه اعجاز عصا
نه فنا ثروتی نه جاه و مقام ایستیورم
روح عبدیّت و اعجاز کلام ایستیورم
.
.
#حیدریه_مدح
#انور_اردبیلی
#حجت_مقتدر_ربی_الاعلادور_علی
#مردان_جاوید
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  حُبّی عَلی آلِ النَبیِّ مؤبَّدٌ #صلوات_حسن_نجفلو

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی