حرمله ظلمیله سالدی امریمی دشواره زینب #اصغریه_اسماعیل_زرین

شهادت حضرت علی اصغر (ع)
.
✍️ #زبدةالاشعار ✍️
.
🆔: @nohe_torki
.
اسماعیل زرین
.
حرمله ظلمیله سالدی امریمی دشواره زینب
ووردی داغ اکبر اوسته تازه دن بیر یاره زینب
.
.
اكبرین نعشین گورنده قطعه قطعه پاره پاره
قلبیمون بندین قیروبدور اولدی دلده تک لی یاره
پاره اوسته مرگ اصغر بیر یارا ووردی دوباره
حال زاریم ائتدی تاثیر قلب سنگ خاره زینب
.
.
گل نه نوعی اوخلانوب گور ظلیمه بو شیرخواره
گوئیا خنجردی حلقین اوخ ائدوبدور پاره پاره
قلبیمه ووردی دوباره قوم کینه تازه یاره
بیرده مشکلدور ساغالماز یاره اوسته یاره زینب
.
.
اللریم اوسته قالوبدور اصغریم کیمسه آلان یوخ
یار و انصاریم ئولوبدور قوم وقارداشدان قالان یوخ
قالموشام یالقوز کمک سیز بیرنفر غمخواراولان یوخ
یوز دوتاندا هانسی سمته یوخ گمان بیریاره زینب
.
.
بیر جنایت ائتدی اعدا ظلمیله بو شیرخواره
ائیلیر تاثیر ذکری هر زمان خرد و کباره
گل بو پوزقون حالتیله اصغره ایله نظاره
سیر ائله جور و جفای قوم بدکرداری زینب
.
.
دللرینده بسکه سالدی تخم بغض و کفر ریشه
چخدیلار حقدن کناره بو گروه کینه پیشه
وئردیلار ساعت به ساعت ریشه اسلامه تیشه
دین لرین دنیادن أوتری ساتدیلار دیناره زینب
.
.
ائتدیلر بی کس آناسیندان منی بی حد خجالت
زهرلی اوخ سو یرینه وئردی بو قوم ضلالت
گل اوزون بو طفلی مندن آل آپار ای کان عصمت
اللریم اوسته قالوبدور تاپمورام بیر چاره زینب
.
.
اللریم اوسته بودشتی بسکه زینب چوخ دولاندیم
آخدی خون پاک اصغر قاننه منده بویاندیم
گه گئدوب پشت خیمده خجلتیمدن دالدالاندیم
نیلیوم چارم کسلدى قالموشام آواره زینب
.
.
بلبل بی حس تک بو شیرخواره لال اولوبدور
نوک پیکان جفای خصمدن بیحال اولوبدور
عمرینون معموره سی چون ظلمیله پامال اولوبدور
سرگران دور بو غمیله گلموری گفتاره زینب
.
.
غنچه وقتنده گولوم باد مخالفدن سولوبدور
ابر نیسان تک گوزوم اشک مصیبتدن دولوبدور
جان وئروب قان ایچره اوغلوم قلب زاریم قان اولوبدور
خون دلدور گوزلریمدن جاریدور رخساره زینب
.
.
گل آپار بو شیرخواری وئر باجی بیکس ربابه
وئر تسلی اول شریک غم اوزون اول دلکبابه
بسکه چوخ تشنیدی اوچ گوندی بالام گتموردی خوابه
اولدی راحت یوخلیوبدور گلمور آہ و زار زینب
.
.
نغمۀ هل من معینیم بسکه دولدوردی قولاقین
مهد نازی ترک ائدوب آسان سانوب مادر فراقین
شوقیله میداندا آلدى زهرلی پیکان سراقین
ایلدی قربان اوزون دین حق غفّاره زینب
.
.
محضر جاناندا الده تحفۀ شایاندی اصغر
شاهد جمع شهیدان فدیۀ جاناندی اصغر
انتقامه روز محشر یاخشی بیرعنواندی اصغر
قتل اصغرده جزاده عذر یوخ کفاره زینب
.
.
ایلدی زرین توسل باجی بو طفل صغیره
بانی فیض اولدی بزم غمده بیر جمع کثیره
گر چه اصغردور بالام فیضی یتر خرد و كبیره
حق عطا ایلر برات کربلا حضاره زینب
.
.
#اصغریه_اسماعیل_زرین
#اصغریه_شهادت
#حرمله_ظلمیله_سالدی_امریمی_دشواره_زینب
#ترکی
.
✍️ #زبدةالاشعار ✍️
.
🆔: @nohe_torki