حسینه آغلاسام هر صبح و شام حقیم وار #کربلا_تایید_تبریزی

آرزوی زیارت کربلا
.
.
مرحوم حاج محمد علی نیکوکار (تایید تبریزی)
.
.
حسینه آغلاسام هر صبح و شام حقّیم وار
عذاره گوز یاشیم آخسا مدام حقّیم وار
.
حسینون آدینا قربان اولا هامی جانلار
او آد دالینجا بیر عمری دولانسان حقّیم وار
.
حسین تشنه لبه روحیمین علاقه سی وار
منی گر شیفته ائده بو کلام حقّیم وار
.
هر هانسی کسده حسینون گوزل آدی اولسا
ئولونجه ائتسم اونا احترام حقّیم وار
.
آدی گلنده دله قلبیم اود دوتوب یانوری
شرار شمع چو پروانه یانسام حقّیم وار
.
آدینون عاشقیم گر دئسم دلیل اولماز
نه چون که غرق گناهم اوتانسام حقّیم وار
.
ولی اوز عشقیمی بیر نکته ایلوری ثابت
آنام حسین چی دوغوب والسّلام حقّیم وار
.
آنام آلوب منی آغوشه بزم ماتمده
حسین حسین دیوب اولمازدی رام حقّیم وار
.
او آغلیاندا آخوبدور یوزیمه گوز یاشی
او گوز یاشی منی ایلوب گرام حقّیم وار
.
اوزی سوون کیمی اشکیم عذاره آخسا اگر
بو پاک درگهه اولسام غلام حقّیم وار
.
ولیک نوکر اولام گورمیم آقام قاپوسین
گلایه ائتسم اونا صبح و شام حقّیم وار
.
قوتولدی عمریم الهی جهاندا حسرتیله
مشیّتیم بودی منده دایانسام حقّیم وار
.
دیوم نه وقته کیمی کربلا بو غمده یانوم
ئولونجه رنگ ملاله بویانسام حقّیم وار
.
خدا حسینوه خاطر اورکده قویما قالا
نصیبیم اولسا بو فیض عظام حقّیم وار
.
وصال بلبل اگر گلستان اولا گل اولا
دیر ئولوب بو گل اوستونده قالسام حقّیم وار
.
اگر نصیب اولا بیرده او قبر ششگوشه
او قبرین اوسته دئسم السّلام حقّیم وار
.
او کربلا که او یرده حسین اولوب مدفون
بو روحیم اوردادی اوردا مدام حقّیم وار
.
او تربتی که اولوب هر مریضه خاک شفا
مریض عشقم آلام منده کام حقّیم وار
.
او قتلگاهی که هر یانی چولقیوب عطری
شمیم عطرین آلا بو مشام حقّیم وار
.
او خیمه گاه که وار قاسمین طوی حجله گهی
ائدم او حجله گه ایچره مقام حقّیم وار
.
او تلّ که یازیلوب تلّ زینبیه آدی
اولام او تلّیده فیضه سهام حقّیم وار
.
او یرده کی دایانوبدور علی قیزی زینب
دورام ائدم گونوزی گوزده شام حقّیم وار
.
او نهر که آدی نهر فراتیدور مشهور
او نهر ائتسه منی تلخ کام حقّیم وار
.
او شرمسار فراته باخوب یانوب بالالار
دییردی هر بالا قیز سنده جام حقّیم وار
.
او سو یانیندا یاتوب مشکی اوخلانان سقّا
او کامیابه دئسم تشنه کام حقّیم وار
.
او تشنه کام اولوب شرمسار قیزلاردان
او غم خیالی ائده بی نظام حقّیم وار
.
حسین درگھی دوزلاقدی «تأییدا» هر ایته
بو دوزلاق ایچره گلوب پاک اولسام حقّیم وار
.
هر ایته صاحبینه خاطر احترام اولونار
بر در گهین ایتی یم والسّلام حقّیم وار
.
آناسی فاطمه عقباده گر شفاعت ائده
او گون کی گون من اولام بیر خرام حقّیم وار
.
.
#کربلا #تایید_تبریزی
#آرزوی_کربلا
#حسینه_آغلاسام_هر_صبح_و_شام_حقیم_وار
#ترکی
#زبدةالاشعار