«حیدره باخ حیدره باخ»
.
.
مصیبی تبریزی
.
.
روح ادب پروره باخ
نائبِ پیغمبره باخ
شیعیه تاج سره باخ
حیدره باخ حیدره باخ
.
.
بدریده سرلشگره باخ
عَمری ییخان اللره باخ
صف شکن خیبره باخ
حیدره باخ حیدره باخ
.
.
.
.
سروه دگن قامتی وار
عرشه دگن ساحتی وار
ساحتینون حرمتی وار
سائلینون عزتی وار
هرکیم اونون حاجتی وار
سسلر آدین علتی وار
چون بیلوری رافتی وار
اللری نین قدرتی وار
.
مشکل آچان اللره باخ
حیدره باخ حیدره باخ
.
.
.
.
قاسم جبّار بودور
قاتل کفّار بودور
جنگیده سردار بودور
حکماً علمدار بودور
میثم تمّار بودور
یاسر و عمّار بودور
جعفر طیّار بودور
حیدر کرّار بودور
.
بیشه ده شیر نره باخ
حیدره باخ حیدره باخ
.
.
.
.
شاهیدی بس نوکری وار
عرشه چاتان شهپری وار
وجه ملک منظری وار
طلعت افسونگری وار
ائوده اونون دلبری وار
طاهرۀ اطهری وار
هامّی بیلور گوهری وار
فاطمه تک کوثری وار
.
ساقیه باخ کوثره باخ
حیدره باخ حیدره باخ
.
.
.
.
نور رُخون کوکب آلوب
سُوزینی مرغ شب آلوب
آدینی کیم برلب آلوب
بوقاپودان مطلب آلوب
قامتینی مُصعَب آلوب*
ضربتینی مرحب آلوب
حمله لرین جُندَب آلوب*
خطبه لرین زینب آلوب
.
شامی ییخان سوزلره باخ
حیدره باخ حیدره باخ
.
.
.
.
موج صفا یاسه وئروب
غیظ علفین داسه وئروب
وصفینی اجلاسه وئروب
رجعتین الیاسه وئروب
قان شرفُ النّاسه وئروب
شهرتین انفاسه وئروب
قیمتین الماسه وئروب
گوزلرین عباسه وئروب
.
قاشی کمان گوزلره باخ
حیدره باخ حیدره باخ
.
.
.
.
قدّینه طوبا باش اَیَر
آدینا دنیا باش ایر
رزمیده طوفانینه باخ
نوحیده حتی باش ایَر
موج ائده گر غیظ علی
موجلی دریا باش ایَر
صاحب دم دی آقامیز
دم و ئره ؛ عیسی باش ایر
.
معجزه خاوره باخ
حیدره باخ حیدره باخ
.
.
.
.
قویسا قدم عرش حقه
جلوه وئرر نُه طبقه
سبقتی وار ماسبقه
عزتی وار ماخلقه
فخریدی ربُّ الفلقه
ماهیدی دوشمز محقه
گوز دئمه دریا حدَقه
باشینه دنیا صدقه
.
زینت عالملره باخ
حیدره باخ حیدره باخ
.
.
.
.
طلعتینون خدّی گوزل
سروه دگن قدّی گوزل
عشقیده سرحدّی گوزل
قاشلارینون مدّی گوزل
دولت آبادی گوزل
عشقی گوزل آدی گوزل
ذکری گوزل یادی گوزل
خلقتاً هر زادی گوزل
.
طُرفه گل نوبره باخ
حیدره باخ حیدره باخ
.
.
.
.
غیظینی طوفان یازارام
شانینی شایان یازارام
تاج سلیمان یازارام
لنگر دوران یازارام
مطلبی عریان یازارام
حیدری سلطان یازارام
جسمه آدین جان یازارام
دردلره درمان یازارام
.
مرهم ائدن اللره باخ
حیدره باخ حیدره باخ
.
.
.
.
سرور احبابه باخون
یل یل احزابه باخون
زینت محرابه باخون
ماه گهرتابه باخون
جلوه مهتابه باخون
مست می نابه باخون
علم ائوینه بابه باخون
شیعیه اربابه باخون
.
شیعیه باخ رهبره باخ
حیدره باخ حیدره باخ
.
.
.
.
کیمدی آقا کیمدی ولی
کیمدی بو نور ازلی
کیمدی غزللر غزلی
کیمدی گوزللره گوزلی
مَطلعِ انوار جلی
بیشه لرین شیر یلی
اوّل و ثانی ده بیلور
نائب طاهادی علی
.
وارث پیغمبره باخ
حیدره باخ حیدره باخ
.
.
.
.
دملره دمسازیدی بو
طُرفه گل نازیدی بو
سرو سرافرازیدی بو
فارِسِ تکتازیدی بو
یل یل ممتازیدی بو
گویده کی اعجازیدی بو
کعبه دی کی رازیدی بو
شهپر پروازیدی بو
.
طانره باخ شهپره باخ
حیدره باخ حیدره باخ
.
.
.
.
مسجدالاقصاده ؛ نبی
گئِتیدیقی معراجه قسم
عرش معلّاده دئدی
گویده کی منهاجه قسم
حیدرین عطرین آلورام
قامت چون کاجه قسم
کیمسه دی بو سرّی آچا
باشدا قزل تاجه قسم
.
حیرت پیغمبره باخ
حیدره باخ حیدره باخ
.
.
.
.
گوردیله بیرسس یارانوب
عشق و صفا نغمه سیدی
سویله دی جبریله ؛ نبی
صاحبِ سس کیمسه سیدی
روح الامین بیله دیوب ؛
عرصه خدا عرصه سی دی
دوزدی کی سوز حق سوزودی
سس ولی حیدر سسی دی
.
دقّتیلن گویلره باخ
حیدره باخ حیدره باخ
.
.
.
.
عشق اولا وجهُ الحسنه
ساقی بیت الحزنه
قائمۀ پنج تنه
کوفه ده شاه زمنه
روح حسین و حسنه
راه وفانی گئدنه
شهد شهادت ایچنه
سجده ده جاندان گئچنه
.
قانه دونن منبره باخ
حیدره باخ حیدره باخ
.
.
.
.
ای گل باغ مدنی
شعر «مُصَیّب»دی غنی
بو سوزی یازدی علنی
ثبت اولاجاق بو سخنی
قبره گئدنده بدنی
سسلیه جاق اوندا سنی
“سائلیوم قووما منی”
.
سائله باخ سروره باخ
حیدره باخ حیدره باخ
.
.
*مُصعب حارثی و جُندب بن عبدالله ازدی از یاران و مریدان شجاع مولا علی( ع) بودند.
.
.
.
#حیدریه #مصیبی_تبریزی #حیدریه_مدح #ترکی #زبدةالاشعار
سلام خدمت استاد عزیز و بزرگوار جناب مصیبی
حقیر یکی از ذاکران وارادتمندان وخاک پای حسینیان هستم
بسیار شعر طوفانی حضرت حق به حضرتعالی عنایت فرموده بنده با زبان الکن بینهایت تشکر میکنم
امیدوارم همیشه از عنایات الله متعال واهلبیت بهرمند شوید
ارادتمند شما مداح سلطانی
سلام و احترام برادر بزرگوار و سرور گرامی
ممنون از حضور سبز و پربارتان