حسینون قتلی که تاپدی سرانجام #اصغریه_جعفر_عباس_نژاد

حضرت رباب در شام غریبان
.
✍️ #زبدةالاشعار ✍️
.
🆔: @nohe_torki
.
جعفر عباس نژاد
.
حسینون قتلی که تاپدی سرانجام
اسیراولدی حرملر یاندی اخیام
.
ورولدی نازنین باشلار جدایه
بلالی چولده سس چیخدی سمایه
.
ئولنلرده قالانلارتک سویولدی
اوباشسبز جسملر عریان قویولدی
.
کشاکش قورتاریب یاتدی هیاهو
قرق سندی سوسوزلارایچدیلر سو
.
دئمه عطشان دوداقه نم چیلندی
دئمه سولموش گوله شبنم چیلندی
.
دئنن غم تازه لندی یم دمینده
سو اود اولدی جگر پیچ وخمینده
.
بالاسین هر آناکه یاده سالدی
ملرآهو تکین دادی اوجالدی
.
ربابین هرسوزی وای اصغر اولدی
بولوط مثلی بوشالدی بیرده دولدی
.
فلک نقشی ئورک قان ایلمک دی
اوبینوایه گورنه نقشه چکدی
.
سوسوز اوخلاندی اصغر گئتدی خوابه
عراق اهلی سوگتیردی ربابه
.
باخیب گویا سووا دیللندی بیردن
بالام ئولدی سنی دای نیلورم من
.
صغیراوغلوم سوسوزلوقدان آلیشدی
سینمده ال ایاق چالدی چالیشدی
.
نه صود نه سو تاپیلدی یاندی اصغر
سنی آختاردی که اوخلاندی اصغر
.
سولی پیکان سوسوز ریحانی بیچدی
بالام سویرینه ئوزقانین ایچدی
.
هامی الله اوچون قربان کسللر
اونا سوایلیوب احسان کسللر
.
حقه مندن ده قربان قسمت اولدی
منیم قربانیمه قان قسمت اولدی
.
آخاندا ای فرات آب روانین
ربابین اینجیدور روح روانین
.
سن آخدوقجا وئرور غم سان گوزومده
سودگولسن منیم قانسان گوزومده
.
(ظریفا)کربلا آدینده غم وار
اوغمدن یاز الونده تا قلم وار
.
ئولوب چیخسوندا یاددان حق باتماز
خانم زهرا سنی یاددان چیخاتماز
.
.
#شام_غریبان
#حضرت_رباب #اصغریه_جعفر_عباس_نژاد
#حسینون_قتلی_که_تاپدی_سرانجام
#ظریف
#ترکی
.
✍️ #زبدةالاشعار ✍️
.
🆔: @nohe_torki