زبدةالاشعار

حسین ای زینبین جانی امان قارداش، دایان گتمه #حسینیه_یحیوی_اردبیلی

وداع امام حسین علیه السلام

✍️ زبدة الاشعار ✍️
?: @nohe_torki

مرحوم یحیوی اردبیلی

حسین ای زینبین جانی
امان قارداش، دایان گتمه
گئدیب آغلاتما زهرانی
امان قارداش، دایان گتمه

قضا سرپنجه‌سین آچمیش قد‌ر چنگالی آماده
کمینونده دوروب دشمن، بو صحرای غم افزاده
مقدّر امره یوخ چاره، اوزوم بیللم بو دنیاده
و لکن گتمه بیر آنی، امان قارداش دایان گتمه

زمانه زینبی بوکدو، اولونجه بیر سیَه رخته
چتین موقعدی رحم ایله، بو بیر عدّه قرا بخته
اگر چاره‌پذیر اواسا گئدیب سالما ایشی سخته
سیه‌پوش ائتمه دنیانی، امان قارداش دایان گتمه

متن پیشنهادی:  دل شعله وردی مَظلم حکّام شامدن #ورود_شام #هدایت_تبریزی

باشوندا بیلمیر‌م هرگز بو نه شور و نه سودادور
گورورسن کربلا دشتی سراسر دشت غوغادور
بو قوم بی‌حیا قارداش همان بی‌شرم اعدادور
اوغولسوز قویدی لیلانی، امان قارداش دایان گتمه

بلالی زینبم قارداش، بلاد‌ن منصبیم واردور
رموز درد و محنتله، بیر عُمده مکتبیم واردور
دالونجا گلمییمد‌ن بیل، اوره‌کده مطلبیم واردور
ائشیت بو سوز افغانی، امان قارداش دایان گتمه

قدم ساخلا، آنام اوغلو، اگرچه اولماسا زحمت
بو آخر وقتی صحراده، ائد‌ک بیر مجلس خلوت
باجی قارداش باجون اولسون، حسینیم ائیلیک صحبت
واریمدیر عرض پنهانی، امان قارداش دایان گتمه

متن پیشنهادی:  تلّین اوستونده ابوالفضل سسینی آلدی حسین #عباسیه_غمکش

گتیر بوسه ائدیم اوّل مبارک اللروندن من
اوپوم اوندان سورا قارداش گَلوی اطهروندن من
اوپن وقته سالیم یاده، او تشنه لب‌لروندن من
آنام زهرای نالانی، امان قارداش دایان گتمه

مصیبت موجینه غرقم، زبس بو اشتیاقوندن
اوپم هئچ بیلمیر‌م قارداش الوندان یا دوداقوندن
اجازه وئر منه بوسه ائدیم بیرده ایاقوندن
او خاک پاک قربانی، امان قارداش دایان گتمه

دگیل بیجا گوزوم یاشین، فلک القانه دوند‌رسه
او اشک چشمیله دنیا، اوزون توفانه دوند‌رسه
باجی نیلیر گوره قارداش، یوزون میدانه دوند‌رسه
همین دنیای ویرانی، امان قارداش دایان گتمه

متن پیشنهادی:  شرارِ آهیله حسین! دلِ جهانی داغلادون – #حسینیه_سیدبشیرحسینی

زبسکی محنت هجرون من بی‌یاره چوخ چوخدور
آنام زهرایه آند اولسون،داخی سینمده یئر یوخدور
گئد‌ن گلمز بو میدانه، گورور‌‌م نیزه ‌دیر اوخدور
قوشون دوتموش بیابانی، امان قارداش دایان گتمه


#سبک_علی_اصغر_مه_انور
(بیش از 7 سبک شامل سبک های
منیم ای تشنه قربانیم … حسین تعجیلیلن گئتمه … بزن بر سینه و بر سر … )

#وداع_حسینیه_حسینیه_وداع
#حسین_ای_زینبین_جانی
#یحیوی_اردبیلی
#ترکی

✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی