حالات کوفه
زبانحال عليا مكرمه زینب کبری (س)
.
#زبدةالاشعار
.
: @nohe_torki
.
#سبک_حسین_ای_شاه_مظلومان …
.
مرحوم دارا تبریزی
.
حسین جان نیزه باشندا یارالی باشوا یانّام
باخوب رخساروه تازه آخان قان یاشوا يانّام
.
جداده سورۀ کهفی اوخور تفسیر ایدر باشون
بیان حالیلن حق کلمه سین تقریر ایدر باشون
حقیقت منده کشف حکمت تقدیر ایدر باشون
اولان احبابينه رهبر بلالی باشوا يانّام
.
.
قمر تک حال قدرینده اولوب شق القمر باشون
ایدوب بیراهه يولّاردا عيالون همسفر باشون
دیار کوفه و شامی جدا اوسته گذر باشون
دوزولموش آردیجه باشسیز عیالی باشوا
.
.
حسین میر هداسن هادی احبابيدور باشون
سپهر حسنده خورشید عالمتابدور باشون
حقیقت اهل عشقه مظهر آدابدور باشون
حقیقت رهبری حق مقتدالی باشوا يانّام
.
.
باخاندا باشوا ایلر عیان سرّ نهان باشون
نشان ظلم خوليدور ويرور یوخسا نشان باشون
اولوب گویا تنور ایچره کول اوسته میهمان باشون
باشون بنزر هلاله یا هلالی باشوا يانّام
.
.
ازلده مفتی عشقه ويروب قول بلا باشون
قضای حقه راضیدور بلايه مبتلا باشون
اودی هر بیر بلا يتسه دیمز بیر کلمه لا باشون
ره حقده محبت آشنالی باشوا يانّام
.
.
ازلده ایتدوقون عهده حسین اقرار ایدوب باشون
طریق حقّده جان نقدینی ایثار ایدوب باشون
وفای عهدوون اثباتنی اظهار ایدوب باشون
سر کوی حقیقتده وفالی باشوا يانّام
.
.
اولوب عهد ازلده اهل عشقه مقتدا باشون
شهید عشق سن ایتدون ره عشقه فدا باشون
حقیقتده حقیقت حقّینی ایتدی ادا باشون
مصیبت همدمی غم مبتلالی باشوا يانّام
.
.
خلاصه کوی وحدتده گوتوردو قجا قدم باشون
بلاکشدور گورر هر بیر قدمده تازه غم باشون
ثبوت عشق ایدر معنا گوزومده دمبدم باشون
ایدن درک جلال ذوالجلالی باشوا يانّام
.
.
حسین معیار حکمتده ویروب چوخ امتحان باشون
ایدر مطلق باخا هر قلبه «دارای» بیان باشون
توجه قیلسا هر لحضه ويرر مین جسمه جان باشون
فضیلت مبدائی صاحب معالی باشوا يانّام
.
.
#کوفه_دارا_تبریزی
#حسین_جان_نیزه_باشندا_یارالی_باشوا_یانام
#ترکی
.
#زبدةالاشعار
.
: @nohe_torki
نظر دهید