زبدةالاشعار

گل عم اوغلی یتیشوب موسم هجران ئولورم #فاطمیه_عاصی_تبریزی

زبانحال حضرت زهرا (س)
#گریز به #قتلگاه
.
✍️ #زبدةالاشعار ✍️
.
🆔: @nohe_torki
.
سبک :: یارالی جان یارالی … شهریاریمسن آقا … کربلا منتظر ماست … و …
.
.
مرحوم عاصی تبریزی
.
گل عم اوغلی یتیشوب موسم هجران ئولورم
باشیم اوستونده تلاوت ایله قرآن ئولورم
ای شه دوران ئولورم
.
.
چکدیم از بسکه غم و غصّه و اندوه و ملال
قدّیمی بار بلا اگدی منیم ائتدی هلال
آخر عمریمدی منه حقّیوی گل ایله حلال
منده جانانیمه آسوده وئریم جان ئولورم
.
.
آناسیز قالدی ایکی نور دو عینیم گئدورم
بوینی چیگننده قالولّار حسنینیم گئدورم
قویما چوخ آغلیا منسیز بو حسینیم گئدورم
روحیمه زحمت اولار ایلسه افغان ئولورم
.
.
بو قدر آغلاما قربان اولوم آغلار گوزیوه
قویما تاپسون جریان اشگیوی آخسون یوزیوه
پوزما حالون بئله وئر بیرجه تسلّی اؤزیوه
باغریمی ائتمه بو جان اوسته منیم قان ئولورم
.
.
آغلاسان وار یری عمرونجه اگر نسگلیمه
اشگویله سَپَه سَن سو منیم اودلی دلیمه
آغلاما آغلاسان آغلا ایکی نورس گُلیمه
قالدی گوز یاشلی جگر داغلی پریشان ئولورم
.
.
مجلس یاره قاپوم یانماقی آچدی یولومی
عرضیمه شاهد عدلین ائدرم صاق صولومی
گوؤَرَن صورتیمی بیرده شکسته قولومی
منده الده ائدرم تحفۀ جانان ئولورم
.
.
اؤره گیم یاندی او گونکه اوره گون داغلادیلار
بیعت اوستونده ایکی قولّاریوی باغلادیلار
باخوب اول حاله حسین و حسنیم آغلادیلار
حقّیوی غصب ائلدی فرقۀ عدوان ئولورم
.
.
بُلوسن جسمده روحیمدی حسین و حسنیم
قلبیمون مهجه سیدور بو ایکی گول پیرهنیم
هر بیری آغلاسا آرتار غم و درد و محنیم
آغلارام آغلاسالار قبرده هر آن ئولورم
.
.
ظلمیله آلدی الیمدن فدکی قوم عنود
قالدیلا آج حسنینیم منیم ای منبع جود
اولدوم آخر دلِ سوزانیله مزدور یهود
گوز یاشیم ایلدی دل مُلکنی ویران ئولورم
.
.
بو فدک قصّه سی درده گتوروب فاطمه نی
اوزون عالمسن عم اوغلی نئجه یاندوردی منی
آغلادار زینب و کلثوم و حسین و حسنی
سنی عمرونجه ائدر دیده سی گریان ئولورم
.
.
اختصاریله یتوردیم سنه آخر سوزومی
بو قدر وار که عدو تار ایلدی گوندوزومی
زینبیم باغلاسا گر خوشدی عم اوغلی گوزومی
اولدی من تک اودا مظلومۀ دوران دوران ئولورم
.
.
قلبین آخر بولورم آتش غم داغلیاجاق
او یانان قلبیله مندن صورا چوخ آغلیاجاق
گوزلری یاشلی حسن گوزلرینی باغلیاجاق
ائده جاق بار محن قدّینی چوگان ئولورم
.
.
شمر قویماز بو حسین گوزلرینی باغلاماقا
باشی اوسته باش آچوب بیرجه سینه داغلاماقا
سهلدور قویماز عدو باشه ووروب آغلاماقا
شمر رحم ایلمز اوغلوم دیر عطشان ئولورم
.
.
«عاصیا» ، «محسن» و «کاتب» بو سوزه اولدی دلیل
یاخشی سالدون اؤزیوی حضرت زهرایه دخیل
بو سوزی ذکر قیل آغلا تاپاسان اجر جزیل
گل عم اوغلی یتشوب موسم هجران ئولورم
.
.
#سبک_یارالی_جان_یارالی … 4 سبک

متن پیشنهادی:  بو گون پیغمبرِ رحمت جهاندان رهسپار اولدی #پیامبراسلام_حسنیه_واصف_مرندی

.
.
#فاطمیه_شهادت
#گل_عم_اوغلی_یتیشوب_موسم_هجران_ئولورم
#عاصی_تبریزی
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی