حشریده حشر دگر حضرت زهرا ائده جک #فاطمیه_بیضا_اردبیلی

قیامت
.
.
.
مرحوم بیضا اردبیلی
.
.

حشریده حشر دگر حضرت زهرا ائده جک
وای او گون بیلمرم حقدن نه تمنا ائده جک
.
.
اورگی یاره لیدور بسکه زیاد اوغلوندان
کسدیروبدور باشینی شمره حسینون دالیدان
بو قان الله قانیدور فاطمه کئچمز بوندان
درد عصیانه بو قانیله مداوا ائده جک
.
.
دوتاجاق قائمۀ عرشدن اللهیله
ایده جک راز و نیازین دل آگاهیله
قانلی قونداق على اصغری مین آهیله
اوخشیوب آغلیاجاق وای اوغول وا ائده جک
.
.
آچاجاق محضر حقده باشینی بنت رسول
بیر کسیلمیش باش الینده بیر الینده ایکی قول
جگری یاره لی گوزیاشلی پریشان و ملول
حقّه درد دلین اول بانوی کبری ائده جک
.
.
دیر هانی او ائدن زینب و کلثومی اسیر
کنده و غل هانی بیماره ووران بی تقصیر
هانی بس حرملۀ شوم هانی بس شمر شریر
هامی جور و ستم و ظلمینی حاشا ائده جک
.
.
دوتاروق وئردی تسلی حق ئوزی زهرایه
کیم وئرر اوندا تسلی حق بی همتایه
شاه دین قانیدی پیغمبرایچون سرمایه
دمبدم قان حسین جوش چو دریا ائده جک
.
.
بیر باشی که ائده معبودینه پیوسته سجود
او باشا ورماق اولار ظلم عنادیله عمود
گر قولی سرو تک عباسون اولیدی موجود
دئمک اولمازدی بو ظلمی اونا اعدا ائده جک
.
.
فاطمه قزلارینی ایلیه تقصیر زده
هتک حرمت ائده محبوبۀ حیّ و صمده
قولّاری باغلى آچیق باشلاری عریان دوه ده
کیم خدایا بو قدر ظلمه توانا ائده جک
.
.
سوله دروازۀ ساعت وور ایکی اللى باشا
باسدیلار فاحشه لر بیر یارالی باشی داشا
بو فصاحتله کسوک باشی گوروب کیم دانیشا
هاردا منزل بو گئجه هاردا بو مأوا ائده جک
.
.
صدقیله دامن شاه شهدادن پاپوشان
اولاجاق روز جزا نار جهنّمدن امان
دوراجاق پل صراط اوسته بو «بیضا» او زمان
کرمِ شاه شهیدان ید بیضا، ائده جک
.
.
#قیامت_بیضا_اردبیلی
#فاطمیه #بیضا_اردبیلی
#حشریده_حشر_دگر_حضرت_زهرا_ائده_جک
#ترکی #قیامت
#زبدةالاشعار