زبدةالاشعار

گل ای جهاندا اولان مبتلا بلایه باجی #فاطمیه_ثریا_تبریزی

زبانحال امام حسین (ع) به حضرت زینب (س) در شهادت مادر
.
✍️ #زبدةالاشعار ✍️
.
🆔: @nohe_torki
.
مرحوم سید احمد یاسر نجفی (ثریا تبریزی)
.
گل ای جهاندا اولان مبتلا بلایه باجی
بو قدری گلمه آنامدان صورا نوایه باجی
.
بو نوع گوز یاشیوی توکمه زلفووی یولما
یوزون خراش ایلمه وئر رضا قضایه باجی
.
قویوبدی خالق عالم اوزی بو نوع قرار
تمام عالم ئوله گوندروبدور آیه باجی
.
هامی ائوه گلجاقدور باجی بو پیک اجل
بو شیوه نی سالاجاقدور هامی سرایه باجی
.
اوزون که عالِمه سن صبری پیشه قیل اوزیوه
نقدری گلسه بلا شکر ایله خدایه باجی
.
شرار آهیله قلب حسینی یاندورما
بو آغلاماقلیقیوی ساخلا کربلایه باجی
.
او وقته آغلا که گوردون حسینیوی آتدان
سالالا تپراقا دشمن آلور آرایه باجی
.
ایدله باشیمی کسماقدا بیر بیره سبقت
او دم باخوب یاناسان بیر بیله جفایه باجی
.
یارالی پیکریمی اهل کین ائدر قسمت
بدنده رحم ایلمز بیر ائله یارایه باجی
.
باشیمی شمر کسر نچه ضربتیله سوسوز
سنان وورار گوره سن بیر اوزون جدایه باجی
.
اوزوکدن اوتری کسر بارماقیمی بجدل دون
ولی تعجب ایدر بیر بیله سخایه باجی
.
آنام یانیندا کسر ساربانیم اللریمی
یتر بو باره ده غم خیرة النسایه باجی
.
ازل گیجه باشیمی خولی میهمان آپارار
ویرر تنوریده یر بیرجه باخ حیایه باجی
.
همان گیجه اولاجاقدور یرین یانان خیمه
مصیبتین گینه ده یتمز انتهایه باجی
.
اسیر ایدوب قولیوی اهل کینه باغلیاجاق
یزید دون یتیشن وقته مدعایه باجی
.
گئدنده کوفیه گر قتلگاهه دوشسه یولون
سکینمیله آلون نعشیمی آرایه باجی
.
او وقته زلفیوی آچ سینم اوسته ایله کفن
فغان ایله ذبیحاً مِن القَفایه باجی
.
حنا یرینه او قانی آغارسا زلفیوه یاخ
کفایت ایتگله قاندان اولان حنایه باجی
.
دایان بو یرده « ثریا » قلم داخی یازمور
که شام شومیده عمرین گیدر فنایه باجی
.
.
#فاطمیه_شهادت
#گل_ای_جهاندا_اولان_مبتلا_بلایه_باجی
#ثریا_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  یتمه میش اتمامه شاه کربلانون اربعینی #سجادیه_سعدی_زمان

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی