در منقبت حضرت زهرا سلام الله علیه
..
..
..
..
رحیم شایان
..
..
..
..
حضرت فاطمه دور مفخر نسوان جهان
اونی الگو یارادوب جمله زنانه یارادان
رحمت عالمیانه اولوب آرامش جان
مظهر بی بدل رحمت رحمان زهرا
حافظ دین خدا رهرو قرآن زهرا
..
..
..
..
خلق اولوب نطفه حضرت شجر طوبادن
روح پاکی یارانوب نور حق یکتادن
هی بهشت عطرین آلاردی آتاسی زهرا دن
فوق عصمت دی مقامی وجناتی چون بحر
مقصدی سیر الی الله ئوزی ناموس الدهر
..
..
..
..
یارادوب فاطمه نی ئوز عظمت نوریندن
ساکن عرشیدی همسایه حی ذوالمن
قبل خلقت ائلییب کل جهانی روشن
منبع فیض خداوند تعالی دی خانم
انبیاء غبطه ائدن منصبی اعلا دی خانم
..
..
..
..
جلوه نوریدی نورانی ائدیب دنیانی
سرور حوریدی زیبا ائلین رضوانی
ئوزونه عاشق ائدیب جن و پری ، انسانی
خلقت نه فلکه باعث و بانی زهرا
حیدرین قدرت بازو و توانی زهرا
..
..
..
..
فخر ائدر حضرت مریم اولا زهرایه کنیز
منشا خیریدی اولموش ایکی دنیا ده عزیز
اودی ریحانه و دردانه سلطان حجیز
بعد پیغمبر اونا نازل اولوب جبراییل
خیل عشاق او یانان درگهه دوشموشله دخیل
..
..
..
..
یارانوب ماخلق الله اونا خاطر یکسر
توتیا ایلر اونون خاک رهین حورالر
بیر قیزی ام ابیها چاغیرا پیغمبر
بوتون عالملره آری او گرک برتر اولا
کوثرین همسری ده حیدر نام آور اولا
..
..
..
..
وصفه گلمز حسناتی نه قدر که ساییلا
یری وار سیره سینی کل جهانه یاییلا
وقتی دور مفتی جاهل یوخوسوندان آییلا
گوره کی ماخلق الله چاغورور یا زهرا
دامنینده بجریب عشقیله اون بیر عیسی
..
..
..
..
حضرت فاطمه دور مفخر نسوان جهان #فاطمیه_شایان_ارومیه
نظر دهید