حق نما یوزی سجده‌گاهیده ای باتان قیزل قانه یاعلی #حیدریه_غفاری_زنجانی

حالات حضرت علی علیه السلام
..
..
..
#سبک_ساخلا_ناقه_می و … ( 8 سبک سینه و زنجیر ) … گل اتاقی بیر خلوت ایلیاق … گئتمرم دایان گئتمه ساربان … نقش من چرا … و …
..
..
..
غفاری زنجانی
..
..
..
حق نما یوزی سجده‌گاهیده ای باتان قیزل قانه یاعلی
قانه سن بویاندون خلل یتوب رکن دین و قرآنه یا علی
..
..
..
..
..
بو مصیبت جان گدازیدن قلبمیز گلر درده آغلاروخ
اهل بیتوه هم صدا اولوب بیزده اولوخ افسرده آغلاروخ
عرشده ملکلر ایدر نوا بیزده سس چکوب یرده آغلاروخ
رسمدور یتیم اولسا کیم گلر نی مثالی افغانه یا علی
..
..
..
..
..
قتلوی خبر ویردی جبرئل کوفده بویوک انقلاب اولوب
آق محاسنون قانله آقا تاپدی رنگ زیبا خضاب اولوب
وامصیبتا وامصیبتا دین ایوی یخلدی خراب اولوب
ولوله دوشوبدی بو عالمه ،جمله کون امکانه یا علی
..
..
..
..
..
شهرکوفه ده عرشه قوزانوب ضجه و نوا و فغان سسی
بینوالرین آغلاماق سسی، بیکسین سسی، باقری قان سسی
گه خرابه لردن چخوب گوگه بیوه زن سسی، ناتوان سسی
یوخدی بیر نوازش ایدن داخی عدۀ غریبانه یا علی
..
..
..
..
..
دفن اولوب ترابه ابوتراب یوخدی سس ویرن بو صدالره
بیوه زنلرین حالنه یانان یا غذا ویرن بی غذا لره
تازه دن یتملر یتیم اولوب یوز ویروبدی غم بینوا لره
یوخدی مونس و یار اولان بوگون دیده تر یتیمانه یا علی
..
..
..
..
..
حیف اولا علیجان بیلنمدی دهریده سنون قدرو قیمتون
جان سپر بلیاته ایلدون اولدی دینه ارزنده خدمتون
قالماموشدی اسلامیدن اثر اولماسیدی خندقده ضربتون
ایستیوردی ویرسون شکست او گون کفر کامل ایمانه یا علی
..
..
..
..
..
جن و انس طاعاتنه او بیر ضربتون سنون باش سایوبدولار
ابن عم سن مصطفایه یا بیر بیریزه قارداش سایوبدولار
آیه های قرآن منزله سوز لریوی یولداش سایوبدولار
ای کتاب نهج البلاغه سی روح بخش انسانه یا علی
..
..
..
..
..
شهر علم دور ختم الانبیا، سن او شهر زیبایه بابسن
علم و حلمده بحر بیکران جنگلرده تیر شهابسن
فی المثل صدفدور بو دهر آقا ،بو صدفده سن درّ نابسن
گوهر درخشانسن داخی گنج دین و ایمانه یا علی
..
..
..
..
..
اولدی مصلحت اوندا باغلانا ریسمانه شیر افکن اللرین
گوردی بیر یهودی دیدی بونون باغلیانماز هیچ دشمن اللرین
حق رضاسیدور باغلیوب بو گون حیدرین اوخیبر کن اللرین
گتدی فوری ایمان سنه اولا مرحبا او ایمانه یاعلی
..
..
..
..
..
گلمیوبدی گلمز محالیدور یا علی نظیرون بو عالمه
افتخاریسن ای ولی حق یر یوزونده اولاد آدمه
قورتاروب سوزی ختم الانبیا ویردی بو مقالاته خاتمه
حقلن سنی من تا نوموشوخ سویلدی او فرزانه یا علی
..
..
..
..
..
بحر حلم سن یرمی نچه ایل قلبون اولدی غم تیرینه نشان
دوزدون هر بلیات مشکله خون دل یدون ای شه جهان
بنزه دون او شخصه گوزونده قم یا قالا بوغازینده استخوان
صبر ایدوبسن الله رضا سینه ظلم قوم عدوانه یا علی
..
..
..
..
..
گر دوزولسه مظلوملر صفه اوردا شخص اوّلدی مرتضی
ضربت جفا دگدی باشنه نطقه بو سیاق گلدی مرتضی
آند اولا خداوندِ کعبیه راحت اولدی دنجلدی مرتضی
وردی باشنه شیعلر اودم سسلدی یانا یانه یاعلی
..
..
..
..
..
یا علی یخانلار سنی اوگون رکن دین و ایمانی یخدولار
دین ایوین خراب ایتدی اهل کین یا حصار قرآنی یخدولار
ناله قوزانوب عرشه فرشیدن عرش و فرشه مولانی یخدولار
اهرمن نماز اوسته ال تاپوپ سن کیمی سلیمانه یا علی
..
..
..
..
..
ای گره گشا اهل عامه سن سن الحق حلال مشکلات
حشریده بو «غفاری» مشکله دوشسه لطف ایله ویر اونا نجات
چوخ چکوبدی زحمت حیاتیده دادینه یتش موقع ممات
جان ویرن زمانینده گلمسن سختدور او نالانه یا علی
..
..
..
..
..