اربعین
.
✍️ زبدة الاشعار ✍️
.
🆔: @nohe_torki
.
محمدرضامحمدی (ناعم)
.
حمدلله حق ویروبدی رتبه ی اعلا منه
خرقه ی خدمت ایدوب رب جلی اعطا منه
یر ویروب اوزجرگه سینده زاده ی زهرا منه
من بواعلامنصبی تاج شهانه ویرمرم
افتخاریمدورکه من مظلوم حسینه نوکرم
.
.
کیم حسینه نوکراولساعشقیده ممتاز اولار
عشقیده ممتاز اولان کس شاهینه جانباز اولار
شاهینه جانباز اولاندا صاحب اعجاز اولار
نوکرشاه شهیدان آسمانه ناز ایده ر
یاحسین ذکریله والله گوگلره پرواز ایده ر
.
.
دست حق شاه شهیدان آدین عالمگیر ایدوب
حضرت اربابین عشقی دللری تسخیرایدوب
کربلا شاهی جهانه غیرتی تعبیر ایدوب
پاکیدورعلت اودی دامانی هر بیر لکه دن
باج آلارعزتده والله کربلاسی مکه دن
.
.
خیل عشاقه حسینون رحمت سرشاری وار
گور نه اندازه بوشاهون عاشق بیماری وار
اربعینده ییرمی میلیوناندا چوخ زواری وار
ییرمی میلیون زایر زار و معذب بیر یانا
دخترزهرای اطهر ، غملی زینب بیر یانا
.
.
گرچه وهابی بیزی هرروزوشب تهدیدایدور
مکرینی اهل ولایه دمبدم تشدید ایدور
شیعه نی اولدورمگه هرشیوه نی تمهید ایدور
بیزولی غیراز ره حق و حقیقت گتمروک
بیزمریدزینبوک، وهابیه باش اگمروک
.
.
کربلایه تایتیشدی کاروانی زینبون
دولدوروب دشت غمی آه و فغانی زینبون
هارداسان سسلندی ای آرام جانی زینبون
گرد آه و ماتمه بیرده بورونم یاحسین
قبروه ساری تراب اوسته سورونم یاحسین
.
.
من اوشاقلیقدان سنون غمخوارووم دیندیرمنی
ای طبیبیم، لطف اله بیمارووم دیندیرمنی
چوخ اوزاق یول گلمیشم زوارووم دیندیرمنی
هیچ دیمم قارداشیناحسرت قالان بیرباجیام
باخ قرا احرامیمه شش گوشه قبره حاجیام
.
.
هرزیارت لذتی وابسته راه ورسمه دی
یاره لی باشون باجوندان التفاتین کسمدی
کربلادن شامه جک بو دیزلریم هچ اسمه دی
تایتیشدیم پیکریم گلبرگ یاسه بنزه دی
گورجگین شش گوشه قبری تارو پودیم تیتردی
.
.
گوییاپایین پاده نوجوان اکبریاتوب
سینه ی نازونده نازیلن علی اصغریاتوب
پیکرون بو تپراق ایچره یاره لی، بی سریاتوب
من اشیتمیشدیم مزارون زایره خوش توشه دی
ایندی بیلدیم یاحسین قبرون نیه ششگوشه دی
.
.
گورمدی اهل شقاوت آتش احساسووی
پرپراتدی جوریله هم لالووی هم یاسووی
گورمدیم باخدوقجاقارداش مرقدعباسووی
اولمیابیرشمع تک علقمده یاندی گلمدی
علقم اوسته دفن اولوب؟، حتمااوتاندی گلمدی
.
.
گورنجه غملربوکوب پیرمصیبت اولموشام
زلفی آغ، قدی خمیده، غرق محنت اولموشام
منده عباسون کیمی سندن خجالت اولموشام
قلبی عباسون سوواخاطر غمه آکنده دی
زینبونده چوخ رقیوندن ساری شرمنده دی
.
.
قویسالارکرب و بلاده منده سکنا ایلرم
قبرووی رشک جنان و عرش اعلا ایلرم
تپراقین من توتیای چشم حورا ایلرم
لشکرعشق و وفانی بورداسان ویرم حسین
منده بوششگوشه قبراوستونده جان ویرم حسین
.
.
بیلمورم قارداش سنه غارتده یغمادن دیوم
کوفه ده یاخلق ایدن آشوب وبلوادن دیوم
اوز کنیزون پایلیان یا نان وخرمادن دیوم
هرغمون البته بیللم واردی حتماچاره سی
توختاماز اما اولونجه قلبیده دیل یاره سی
.
.
شامون اهلی یاحسین عیش ایلیوب کام آلدیلار
کوچه کوچه گزدیروب آل اللهی ال چالدیلار
آل طاهانون یولون کوی یهوده سالدیلار
غرفه لردن داش یاغوردی بارش باران کیمی
قیزلارون قانه بویاندی اوخلانان جیران کیمی
.
.
من ره القای حقده سعی بسیارایلدیم
حال زاریمله حسین اهریمنی زار ایلدیم
قوللاری باغلی گیدوب هنداوغلونی خوارایلدیم
من حسین پیکاریدن پیروزوفاتح چیخمیشام
آل سفیانون ایوین من اوز اوینده ییخمیشام
.
.
کاروانی مقصده غمله یتوردم یا اخی
بیربه بیراطفالووی ایندی گتوردوم یااخی
حیف اولا اوچ یاشلی طرلانی ایتیردوم یااخی
اوقیزی اوز معجریله شامیده کفن ایلدیم
قبرقازدیم منزل ویرانه ده دفن ایلدیم
.
.
عازمم من یثربه ای شهریار ماسوا
عیبی یوخ دیندیرمدون، دورلااقل ایله دعا
زایرکرب وبلانی لطفیله سن سال یولا
گرچه یانیمجاحسین سجادبیماریم گلور
((یثربه بو ذلتیله گتماقا عاریم گلور))
.
.
#ناعما باشه یتور بونیمه ی شب مطلبی
اربعینه آزقالور سسلن هرایه زینبی
گورسه زینب تاروپودونده بیله تاب وتبی
بو چتین یوللاری زهرانون قیزی هموار ایده ر
لایق اولسون آلتی گوشه مرقده زوار ایده ر
.
.
#اربعین
#حمدلله_حق_ویروبدی_رتبه_اعلا_منه
#محمدی_ناعم
#ترکی
.
✍️ #زبدةالاشعار ✍️
.
🆔: @nohe_torki
نظر دهید