توبه جناب حُرّ
.
زبدة الاشعار
?: @nohe_torki
.
محمد رضا صادقی
.
حُرّبن ریاحی دور آدیم چوخدی گناهیم
سندن صورا بوچولده داخی یوخدی پناهیم
.
من سد ائلدیم عترتیوه راه فراتی
من لرزیه سالدیم هامی اطفال و بناتی
الله منه تیز گوندره اسباب مماتی
شرم ایلورم اطفاله دوشه بیرده نگاهیم
.
من فکر ائلمزدیم بئله عالم اولاجاقدی
بولمزدیم آقا بوردا سیزه غم اولاجاقدی
یا عترتیوه ناله و ماتم اولاجاقدی
چوخ ظلم ائدوب اولادیوه بو اهل سپاهیم
.
ای وای منه آغلاتمشام اول ختم مآبی
بو ظلمیله نقد ایلمیشم نار و عذابی
محشرده اگر قهراً اولا حقدن عتابی
جبران ائلمز گر اولا دریای میاهیم
.
من ایلمیشم یولدا سیزه قصد جسارت
بیر قطره سودان اوتری عجب اولدی اهانت
عفو ایله بو بیچارنی گر قویمادی حرمت
شرمنده دی سندن آقا بو روی سیاهیم
.
بو سوزده باخوب حرّه طرف شاه ولایت
قوخما دئدی یوخ ذره وجودینده عداوت
من عفو ایلدیم ،تاپدون عجب یرده سعادت
چوخ سویلمه غفلتده گئدوب سالیله ماهیم
.
آزدور کمگیم گر اولا سندن منه یاری
بیر آز آزالار زینبیمین ناله و زاری
چوخ چکمز اونون غارت اولار دار و نداری
آتلار ایاقیندا داغلار عزّت و جاهیم
.
چوخ غم یمه سن تاپسان اگر فیض شهادت
یا باشیوه خنجر یاراسی ائتسه اصابت
بیر تحفه واریمدور سنه ، اولماز اونا قیمت
هر کیمسه سوروشسا دئنه لطف ایلدی شاهیم
.
ویرمزدی قلم «صادقی» بو صفحیه رونق
معناده دمی حرّ وئروبدور سنه الحق
سن ایستیه سن گر اولاسان سوزده موفق
چوخ یالوار اِلٰهَه دئ حسینی اولا راهیم
.
.
#اصحاب_الحسین
#حر
#حر_بن_ریاحی_دور_آدیم_چوخدی_گناهیم
#محمدرضاصادقی
#ترکی
?: @nohe_torki
: @nohe_tork . #سبک_ای_باد_صبا … . جوانی تبریزی . ای قبری مباهات ایلین عرشه حسینیم به به نه گوزل زینت اولوب فرشه حسینیم . . آغلار باجون اولسون بو گوزل قبروه قربان شش گوشه لیقی زینبویبیشتر
نظر دهید