در شهادت حضرت خاتم الانبیا (ص)
.
زبدة الاشعار
.
: @nohe_torki
.
مرحوم فیروز جوانشیر
.
خاتم مرسل ویروب جان انبیا قان آغلوری
فاطمه گلموش نوایه پور عمران آغلوری
.
.
عالمی ترک ایلیوبدور رحمةً للعالمین
تاجینی باشدان گوتوردی حضرت روح الامین
بزم غم جنتده برپا ایلیوبدور مرسلین
ناله یر اهلى ایدور افلاکیان قان آغلوری
.
.
ماتمه بو غمده باتدی عرش و فرش و نه قباب
تا ایدوب رحلت جهاندان حضرت ختمی مآب
اهل اسلامه اولوب بو ضایعه عمده مصاب
محفل غمده پریشان هر مسلمان آغلوری
.
.
بو شهین بیر حالیده بر پا اولوبدور ماتمی
صیت ارشادی اونون دوتموشدی یکسر عالمی
اهتزاز ایلردی چوخ یرده مقدّس پرچمی
ناشره منشور اولان احکام قرآن آغلوری
.
.
عالمی دوتموشدی ابر ظلمت جهل و ستم
بیر قیام ایتدی او گونده بو خدیو محتشم
عالمه توحیدیله ویردی شرف میر امم
بو سببدندور غمینده کون و امکان آغلوری
.
.
منجی انسان اولوب اسلامیله بو شهریار
ویردی اسلام اهلینه چوخ آبرو و اعتبار
رحلتی اولدی سبب انسانلار اولسون داغدار
ایمدیده هجرینده هر فهمیده انسان آغلوری
.
.
جان ویرنده راحتیدی خسرو گردون سریر
مؤمنینه انتخاب ایتمیشدی بیر عالی امیر
بیر امیری که ایدوبدور منتخب حی قدیر
ناصبه منصوب اولان میر امیران آغلوری
.
.
امتی اوندان عجب تقدیر خدمت ایتدیلر
جانشین مصطفادن نه حمایت ایتدیلر
نعشینی دفن ائتمه میش تقسیم قدرت ایتدیلر
حال محکومه ویریلمیش حکم و فرمان آغلوری
.
.
بیر سقیفه آدلی یرده جمع اولوب بیر نچه فرد
صاحب امریله اوردان باشلانوب اصل نبرد
بیر نبردیکه اولوبدور سینۀ زهراده درد
و ایله بیر در ده او سینه ایمدیده قان آغلوری
.
.
تفرقه سالدى سقیفه ماجراسی عالمه
باتدی پیغمیر اوزی بو ماجراده ماتمه
باشلانوب باب امامتده او گون که همهمه
باخمیوبلر ایوده اطفالی پریشان آغلوری
.
.
اود ویروبلار باب رحمت یاندی اولدی شعله ور
سینه سین زهرا او سوزان بابه ایتمیشدی سپر
قویدی زهرا سینه سینده اود فشار در اثر
ایمدیده اول محنته سلطان دوران آغلوری
.
.
منده یوخ طاقت دیم بو ماجرانی برملا
بو قدر وار شدّت غمدن دُر کنز حیا
سسلدی گل فضه آز قالدی گل عمروم سولا
حالیمه گل گور نجه قان سرو و بستان آغلوری
.
.
دامن زهرایه خادم چنگ ویر هر صبح و شام
عجزیله عرض ایت ایا خاتون گردون احتشام
خوف محشر ایلیوب بو روسیاهی تلخکام
یوخسا بی علت دگل هر لحظه هر آن آغلوری
.
#پیامبراسلام_شهادت
#خاتم_مرسل_ویروب_جان_انبیا_قان_آغلوری
#پیامبراسلام_فیروز_جوانشیر
#ترکی
.
#زبدةالاشعار
.
: @nohe_torki
نظر دهید