زبدةالاشعار

ظلم الیله ای کجروش فلک مجتبایه وئردون نه سودی بو #حسنیه_صافی_تبریزی

شهادت حضرت امام حسن (ع)
.
✍️ #زبدةالاشعار ✍️
.
🆔: @nohe_torki
.
#سبک_ساخلا_ناقه_می_کاروانیدن ( 8 سبک برای سینه زنی و زنجیر)
.
مرحوم صافی تبریزی
.
ظلم الیله ای کجروش فلک
مجتبایه وئردون نه سودی بو
وئرمدون حسینه نه سرّدور
جان وئرنده سن بیرجه شربه سو
.
کسدی باشینی تشنه لب عدو
.
.
آلمادون ندن ای سپهر دون
جعدۀ ستمکار قدرتین
سالدی آشکاره اؤرکده کی
مجتبایه منسوب عداوتین
اؤز عنادینی ظاهر ائتماقین
تاپدی وقتینی بُلدی ساعتین
مکریله او مکّاره نصف شب
زهری ایلدی داخل سبو
.
.
ناگهان شه ممتحن حسن
اضطرابیله دوردی خوابیدن
گوردی تشنه لوق شدّتی سالوب
رشتۀ دل و جانی تابدن
کوزه نی یتورجک دوداقینه
اودلانوب وجود التهابیدن
دوغرانوب جگر اولدی دیده تر
یاندی لبلری اود دوتوب گلو
.
.
ایشدیقی سودا بُلدی که نه وار
دیشره چخدی پژمرده حالیله
گلدی زینبون باشی اوستونه
سسلدی اونی بیر خیالیله
خوابیدن اویتادی او غمکش
عالمی دل پرملالیله
ایلدی قیامت قیام او دم
مهر ماهیله دوردی روبرو
.
.
قارداشا باجی تکیه گاه اولوب
وئردی بیرده عودت فراشینه
لبلرینده کی لخته قانلارا
باخدی ووردی حسرتله باشینه
گورمدی ثمر هر چه ایلدی
جدّ و جهد و سعی و تلاشینه
دوشدی بو خیاله که ایلسون
بلکه بیر رَهِ چاره جستجو
.
.
عرض قیلدی قارداش بویور گوروم
کیم سنی سالوبدی بو حالته
سویلدی باجی ایلمه سوال
قوی جزاسی قالسون قیامته
ایچمیشم همین من بو کوزه دن
دوشموشم بو رنج و مرارته
یوخدی قدرتیم دلده صحبته
قالمیوب داخی تاب و گفتگو
.
.
دورما باخما یانما شتاب قیل
گئت حسینیمه وئر خبر باجی
نازنین وجودیمده زهر کین
بلمسن ائدوب نه اثر باجی
آز قالور ئولم گورمیم یوزین
ایلیم بقایه سفر باجی
بو فنا جهاندان روا دگل
من گئدم اؤرکده بو آرزو
.
.
قارداشی حسینی گتورماقا
غمکشیده زینب اولوب روان
منزل اولدی خلوت امام اؤزی
جُعدیه خطاب ائتدی اولزمان
من نه ایلمیشدیم سنه مگر
قیلدون آخر عمریمده باغریقان
بیوفا بو نه سودی قویمادون
نه اؤزونده نه سوده آبرو
.
.
زینبیله باهم گلوب حسین
بلمورم نجه گوردی قارداشین
چاک ائدوب گریبان برینی
گئتدی اختیاری آچوب باشین
چکدی آهی آه اوسته آغلادی
سیل تک روان ائتدی گوز یاشین
خانۀ دل بیقرارینی
اشک چشمیله قیلدی شستشو
.
.
بیر یانقلی قلبیله عرض ائدوب
ای عزیز دل روح و جسم و جان
سنده گوردوقوم منظره ندور
بو نه حالدور بو نه لخته قان
سویلدی که بو کوزه نون سوئی
ایلدی منی بیله ناتوان
دوغرادی دیلیمی دوداقیمی
بُلمدیم برادر نه سودی بو
.
.
گوتدی کوزه نی یردن ایستدی
کوزه نین سویوندان ایچه حسین
مانع اولدی زینب دوتوب الین
باشلادی نوا قیلدی شور و شین
سو مشرّتیله عجبدی بو
جان وئروب بو نورین نیّرین
بو حسن سو ایچدی ئولوب حسین
تشنه ئولدی سو وئرمدی عدو
.
.
#حسنیه_شهادت
#ظلم_الیله_ای_کجروش_فلک_مجتبایه_وئردون_نه_سودی_بو
#حسنیه_صافی_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ذکر_مصیبت_حضرت_مسلم 2 #مسلمیه_متن_روضه

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی