خاموش ائدیبله شمع شبستان حیدری #کاظمیه_واقف_سرابی

عزای حضرت موسی بن جعفر(ع)
.
✍️ زبدة الاشعار ✍️
.
🆔: @nohe_torki
.
مرحوم واقف سرابی
.
خاموش ائدیبله شمع شبستان حیدری
زهریله ئولدوروبله بو موسی ابن جعفری
.
وار حاجتون دئ صدقیله باب الحوائجه
مشکل گشا مُلقَّب ائدیبله او سروری
.
زوّاردن عریضه یازین ایلیین شفیع
سیز بو غریبه قاسم و عبّاس و اکبری
.
یوخ الده زادِ راحیله صدقیله آغلاسین
تا ایسته سین رواقینه بو وقته بیزلری
.
زنداندا تورپاق اوسته قالیبدور جنازه سی
نه مادر و نه خواهر و نه یار و یاوری
.
بیر تخته اوسته دورد نفر حمّال حمل ائدیب
تابوتیدن کناریده قالمیشدی اللری
.
بو ماجرا یتیشدی سلیمان جعفره
امر ایلدی توکولدوله خدّام و نوکری
.
حمّالیدن آلیبلا امامین جنازه سین
فریاد سیّدا بؤرؤیوب هفت کشوری
.
غسلین وئریبله عزّتیله دفن ائدیب رضا
راضی ائدیب پیمبر و خاتون محشری
.
یا فاطمه چوخ آغلاما زنداندا ، قیل نظر
گور کربلاده یتمیش ایکی نعش اطهری
.
باخ بیر حسینیوه ، خس و خاشاک اولوب کفن
قلبینده زخم تیر ، قوجاقینده اصغری
.
بیر نوعیله بدن داغیلیب ، بند بندیدن
نه باش قالوب بدنده نه چیگنینده اللری
.
یا فاطمه توجّه ایله نهر علقمه
بیر شاخ دور یخیلمیش علی نین صنوبری
.
قوللار دوشوبدی بیر طرفه مشک بیر طرف
از بس ایاقلیوبلا تانینمازدی پیکری
.
شبه پیمبرین گوتوروب ، سسلنیر باجی
لیلاده پیشواز ائله سین گلدی اکبری
.
اهل حرم یتیشدیله نعشین قوجاقلیوب
آغلار بو حاله مادری اوخشاردی خواهری
.
.
#کاظمیه_شهادت
#خاموش_ائدیبله_شمع_شبستان_حیدری
#واقف_سرابی
#ترکی
.
✍️ #زبدةالاشعار ✍️
.
🆔: @nohe_torki