خطاب به حضرت زهرا(س) در مصائب حضرت امام رضا(ع)
.
#زبدةالاشعار
.
: @nohe_torki
.
.
مرحوم زبردست (خائف تبریزی)
.
خانم زهرا اوزون دور گل عزایه
عزا ساخلا غریب اوغلون رضایه
.
.
خانم اوغلانلارون مغموم اولوبدور
تمامی دهرده مظلوم اولوبدور
بو گون اوغلون رضا مسموم اولوبدور
قالوب غربت ده حسرت اقربایه
.
.
ایدوب مأمون بی دین ظلم بیحد
ایدوب اجباریله اوغلون ولیعهد
ویروب زهر اود وروب آخر او بدعهد
هزاران لعن اولا اول بیحیایه
.
.
نه وار دور بیر نفر امداده یتسون
دئسین درد و دلین فریاده یتسون
کمک یوخدور خانم بغداده گتسون
اوغول حالون خبر وئرسون آتایه
.
.
اونا چوخ ظلم جور عدوان ویرور گل
قالوب غربتده تنها جان ویرور گل
یانوب امعاء احشاء قان وئرور گل
مؤثردور او حالی ماسوایه
.
.
یانندا یوخ نه اولادی نه قارداش
توکر رخسارینه حسرتله قانیاش
خانم اوردا اولیدون سن اوزون کاش
اوغول حالین دیه بیربیر آنایه
.
.
روایت ایلیری اولدم اباصلت
که گوردوم بیر جوان ماه طلعت
توکر اما عذاره اشک حسرت
شبیه خلق دی نور خدایه
.
.
دیدیم آغلار گوزیله ماه تابان
قاپی باغلیدی آیا گلدون هاردان
باخوب اولدم منه حسرتله حیران
دئدی تردید قیلما سن ولایه
.
.
آتاما گلمیشم بول آغلیام من
توکوب گوز یاشی سینه داغلیام من
بو شاه بی پناهین اوغلیام من
بو گون من حجّتم ارض سمایه
.
.
دیدیم اقبال ایدم من بو نویده
دیدیم چوخ آغلاما ای غم رسیده
عجب وقته یتیشدی باز دیده
گلوبدی یوسفین گلمه نوایه
.
.
همینکه قصد قیلدیم بو مرامی
نه گوردوم رد ایدوبدی بیر سلامی
دوروب ال سینه ده با احترامی
توکور گوز یاش مثال درّ پایه
.
.
جوانین گوردی سلطان غریبان
ایدوب تجدید عهد انجام پیمان
قوتولدی درد محنتدن ویروب جان
یتوب آخر نفسده مدعایه
.
.
گوروب اوغلون او شاه باسعادت
او ساعتدن تاپوپ چوخ استراحت
بو یرده یاده دوشدی اوزگه ساعت
اوچوب مرغ خیالیم کربلایه
.
.
یانان قلبیم گینه گلدی نوایه
ایدم ناله غریب کربلایه
منیم جانیم فدادور بو آقایه
جوان اوغلون گتورموشدی منایه
.
.
منای عشقده قربان ویروردی
وئروب قربانی تک تک سان ویروردی
باخوردی اوغلی اکبر جان ویروردی
او شه تسلیم اولوب امر قضایه
.
.
«زبردست» ناله قیل آل رسوله
عریضه گوز یاشیله یاز بتوله
خانم ایله توجّه بو ملوله
گرفتار اولموشام گور نه بلایه
.
.
.
.
#رضویه_خائف_تبریزی
#رضویه_شهادت
#خانم_زهرا_اوزون_دور_گل_عزایه
#ترکی
.
#زبدةالاشعار
.
: @nohe_torki
نظر دهید