خانم یا فاطمه بغداده گل آشوب محشردور #کاظمیه_واقف_سرابی

حالات حضرت موسی بن جعفر (ع)
.
.
مرحوم واقف سرابی
.
.
خانم یا فاطمه بغداده گل آشوب محشردور
قوری یرده ویرن زنداندا جان موسی بن جعفردور
.
.
نظر قیل ظلم هارون الرشیده گل گلن درده
ویروبدور اوغلووا اون بیر ایلدور منزل قوری یرده
گلوب سند ابن شاهک زهری دوتموشدی برابرده
دیردی بو رطبدن میل قیل یاخشی معطردور
.
.
قالوب زنداندا یالقوز آرزو ایلردی جان اوسته
گله اوغلوم رضا جانیم چیخا آه و فغان اوسته
قویوبلار دورد نفر حمال نعشین نردبان اوسته
دیردی اهل زندان بی معین و بی برادردور
.
.
سلیمتن ابن جعفر غرفه دن ایلردی نظاره
نه گوردی دورد نفر حمال بیر نعشه چکوب قاره
غلامه سویلیوب گیت گوگیلن کیمدور بو غمخواره
ندور علت بونی بیر دفن ایدن یوخدورمحقردور
.
.
خبر گتدی غلام که سویلیوبلر بو اهل زنداندور
ویروبدور زهر هارون لخته لخته لبلری قاندور
آدی موسای کاظم یثرب و بطحایه سلطاندور
آناسی فاطمه جدّی علی نسل پیمبردور
.
.
سلیمان باشینه ووردی گلوب باشیندا اولادی
دوتوب اطراف تابوتی اوجالدی عرشه فریادی
صدای واغریبا وا اماما دوتدی بغدادی
باخان شهره دیردی شورش محشر مصوردور
.
.
سنی احباب یا باب الحوائج دفن ایدن گونده
آلوب زنجیری بوینوندان ایاقوندان آچوب کنده
عجب تابوت اولوب جدون حسینه تپراق اوستنده
کفن شمشیر و تابوتی سنان بالینی خنجردور
.
.
سنه چوخ ظلم اولوب یا سیدی هر چند دشمندن
گوروبلر جان ویرورسن دشمنین ال چکدیلر سندن
حسینین اللرین باشین جدا ایتموشدیلر تندن
قالوب اوچ گون کفنسیز پیکری پامال لشکردور
.
.
سنون یا فاطمه اهل و عیالین دربدر قالدی
فلک غربتده ئولدوردی سنون آرامیوی آلدی
حسینین صودامر اوغلین سوسوز اوخ نطقیدن سالدی
قوجاقینده او مظلومین ویرن جان تشنه اصغردور
.
.
.
#کاظمیه #واقف_سرابی #کاظمیه_شهادت #ترکی #زبدةالاشعار