#مبعث نبی مکرم اسلام حضرت محمد مصطفی (ص)
.
.
.
حاج #مجید_امینی تبریزی
.
ختم پیمبران حقدن نبوّته مبعوث اولوب بوگون
مولای انس و جان امر رسالته مبعوث اولوب بوگون
ورد زبان ایدوب گویا بو نغمه نی گویلرده قدسیان
عید عظیمدور تبریک و تهنیت یا صاحب الزّمان
.
.
شامل اولوب بوگون ختم پیمبره لطف عظام حق
نازل اولوب یره روح الامین گلوب گتدی پیام حق
طاهانی ایلدی غار حراده چوخ خرّم سلام حق
بیر امتیازدور حقدن بو حضرته مبعوث اولوب بوگون
.
.
وحی خدا یتن وقته دوتوب بوتون رعشه وجودینی
حمد و ثنایه دل آچدی آلوبدی تا ا… درودینی
فوراً قیام ایدوب بولموب او لحظه دن جایز قعودینی
دعوت گرک ایده خلقی هدایته مبعوث اولوب بوگون
.
.
ویرموب بو شوکتی هرگز بیر اوزگیه الله ذوالجلال
پیغمبرین گوره مثل و نظیرینی دنیا گوزی محال
محبوب کبریا سرخیل انبیا اولماز بو هِمال
رهبردی امّته گوهردی حکمته مبعوث اولوب بوگون
.
.
لازمدی تهنیت پیغمبره هامی اهل ولا دیسون
هم فرشیان همی افلاکیان حقه حمد و ثنا دیسون
شوره گلوب بو گون پیغمبر امّتی یامصطفی دیسون
خلقی جهانیده چکسون سعادته مبعوث اولوب بوگون
.
.
زائل ایدون غمی بزم سروره سیز بو بزمی دوندرون
بو گلشنه گلون سیر ایلیون هامی وصلت گلون درون
اسم مبارکین ورد زبان ایدوب صلوات گوندرون
منجیّ مهربان عاصی بو امّته مبعوث اولوب بوگون
.
.
ایذا ایدوبدولر سیندیرمادی اوزین وردی اولوب خدا
سعی ایلدی ایده دعوت خلایقی تا اینکه دوز یولا
بو شرکی بوشلیون غفلتله یاتمیون وار حیّ لایُری
صبر ایلیوب دوزوب هر بیر مشقّته مبعوث اولوب بوگون
.
.
جُهّال مردمی فکر ایتدی ایلسون تا شرکیدن رها
اللهین امرینه ایتسون اجابتی پیغمبر خدا
رحمتدی عالمه، سروردی آدمه سلطان انبیا
بوندان ویروب خدا عزّت بو خلقته مبعوث اولوب بوگون
.
.
بو شان صاحبین چوخ سالدی زحمته، گور چرخ گردشین
ساحر قویوبلا آد بی شرملر ایدوب سلب آرامشین
گه ناسزا دیوب داش ووردولار گهی سیندیردیلار دیشین
بولدی گرک دوزه هر رنج و زحمته مبعوث اولوب بوگون
.
.
واردور امینی بو عیدین خدا بولور نه عزّ و شوکتی
ختم رسالتین باشلاندی باشینون درد و مصیبتی
اهل مجاز چوخ زحمت چکوب قبول ایتسون حقیقتی
ایتسون جماعتی دعوت حقیقته مبعوث اولوب بوگون
.
.
#ختم_پیمبران_حقدن_نبوته_مبعوث_اولوب_بو_گون
#ترکی
.
✍️ #زبدةالاشعار ✍️
.
🆔: @nohe_torki
نظر دهید