خرابه ده قوری یرلرده عمّه جان ویرورم #حضرت_رقیه_ذوقی_تبریزی

خرابۀ شام
.
زبدة الاشعار
.
?: @nohe_torki
.
مرحوم ذوقی تبریزی
.
خرابه ده قوری یرلرده عمّه جان ویرورم
بابام حسین کیمی گورمنده امتحان ویرورم
.
الیم اوزولدی وطندن جفائیله آخر
اوزیمه گوشۀ ویرانه نی مکام ویرورم
.
خبر ویر اهل حرم دورمه یغوشسونلار
که کربلا غمنی شامده نشان ویرورم
.
یوزومده سیلی یرین باشدا تازیانه یرین
بهارعمریمه بیر مایۀ خزان ویرورم
.
دی شمره عمّه داخی ایتمه سین منه آزار
تیز اولدوری بو جفالر سنی گمان ویرورم
.
باشیم بلالرینی هر نه وار بولورسن اوزون
اورک یانور اودی بیر بیر دوباره سان ویرورم
.
.
هانی بابام هانی عباس عموم گلوب گوره لر
نه نوعی جان قوری یرلرده باغریقان ویرورم
.
گلیدی اکبری باری گوروب اُولیدیم من
قالوب یولوندا گوزوم حسرتیله جان ویرورم
.
او مه جبینه منیم اوزگه بیر علاقم وار
خیال وصلیله بو قلبمه توان ویرورم
.
منی نوایه گتورموش فراقی قارداشیمون
بروزه دلدن او دور نی کیمی فغان ویرورم
.
یتوب اجل اُولورم جان دوداقیمه دایانوب
نهانی دردیمی دلدن اوزوم عیان ویرورم
.
یارالیدور اورگیم عمه جور اعدادن
که شرح حالیمی بیربیر سنه بیان ویرورم
.
جزا گونونده سنون ( ذوقیا) نه باکون وار
خانم بیور سا سنه من اوزوم امان ویرورم
.
.
#حضرت_رقیه_شهادت
#خرابه_ده_قوری_یرلرده_عمه_جان_ویرورم
#ذوقی_تبریزی
#ترکی
.
#زبدةالاشعار
.
?: @nohe_torki