خرابه منزله خوشگلموسن وفالی بابا #حضرت_رقیه_صدری_اردبیلی

زبانحال رقیه خاتون (س) در خرابه شام
..
..
..
..
مرحوم صدری اردبیلی
..
..
..
..
خرابه منزله خوشگلموسن وفالی بابا
عجب خرابه یئری ائتموسن صفالی بابا
..
فدا قدملیروه جان ناتوانیم أولا
خرابه منزلی نورون ائدوب ضیالی بابا
..
بیر ایلدی أئتمشیدون هانسی بیر دیاره سفر
نهان قیلمشیدون سایۀ وصالی بابا
..
نه باعث اولدی منی بیرده یادیوه سالدون
مگر بو نالم ائدوب قلبیوی یارالی بابا
..
بو فکریلن واریدوم گلمگین بیلدیم اگر
او زیر پایه توکم زلف پرملالی بابا
..
یوزومده شمر ووران سیلینون یئرین گوردون
کئچن کئچوب داخی سن ائتمه بو سؤالی بابا
..
مراقب اول که اگر گلسه شمر بد اختر
ووروب یخار سنی درک ایلسه بو حالی بابا
..
دئ سرگذشتوى من شرح ائدوم بلالریمی
اولوبدو غیردن آخر بو بزم خالی بابا
..
دیار ماریه دن شامه دین ایاق یالین
پیاده طی ائلدوم دشت پر جبالی بابا
..
زبسکه اینجمیشم شمر دون ووروبدی منی
جفا الیله اولوب قامتیم هلالی بابا
..
گوتورمرم اتگوندن محالدور الیمى
حیات رشته سی درک ائتمسه زوالی بابا
..
خرابه شامده آخر بویور نه وقته کیمی
بو حالیله قالاجاقدور على عیالی بابا
..
نه فرش واردی نه منزل نه بیرجه رحم ائلین
قرانلوق ائو قوری یئر آرتوروب خیالی بابا
..
گتورمدون نیه بس اکبری گلنده اوزون
بو غملو گونده گوریدوم أو مه جمالی بابا
..
طنابی قولدا گوریدی یوزومده سیلی یئرین
باخیدی من نئجه اولدوم باشی بالی بابا
..
توجه ایله گیلن صدریه قاپوندا سنون
کئچوبدی عمرینون ایام ماه و سالی بابا
..
..
..
..
#حضرت_رقیه #صدری_اردبیلی #حضرت_رقیه_شهادت #ترکی #زبدةالاشعار