خزان اولاندا بابا نوبهاریم هاردیدون #حضرت_رقیه_غمکش

گفتگوی حضرت رقیه (س)
با سربریده بابا در خرابه شام
..
..
..
..
مرحوم غمکش
..
..
..
..
خزان اولاندا بابا نوبهاریم هاردیدون
سولاندا یاسمن و لاله زاریم هاردیدون
..
اولاندا صرصر جور و جفادن افسرده
آخاندا گوز یاشیم، ای نگاریم هاردیدون
..
ووراند لشگرکین خیمه گاهیوه آتش
یانان زماندا دل داغداریم هاردیدون
..
ایدنده کوفه و شام اهلی خیمه وی غارت
تالاندی رخت زر و زرنگاریم هاردیدون
..
نه چادر و نه نقاب و نه معجریم باشدا
نه بر قولاقدا قالوب گوشواریم هاردیدون
..
سنی هراییمزه سسلین زمان عمّم
دوننده تیره شبه روزگاریم هاردیدون
..
سالاندا آت دوشینه شمر و خولی قیزلاروی
ئورکده قالمادی تاب و قراریم هاردیدون
..
عيال عترتوین باغلاناندا قولاری
نه نطقیم اولدی نه بیر اختیاریم هاردیدون
..
آخاندا قانی ایاقلاریمین بیاباندا
شرر دوتاندا دل پر شراریم هاردیدون
..
طناب ظلمه هامی بسته ناقه لر اوسته
دوشنده کوفه و شامه گذاریم هاردیدون
..
آلاندا دورد طرفی لشگر ملال و محن
سالاندا بحر غمه، غمگساریم هاردیدون
..
بابا، عمو، علی قارداش، سالون منی یاده
اولاردی اوندا که ذکر و شعاریم هاردیدون
..
قویاندا باشیمی توپراقه قوللاریمدا رسن
نه دادرس، نه هوادار و یاریم هاردیدون
..
ایاقلاری دوه نین قارنی آلتدا سجّادین
اولاندا بسته او دلخسته زاریم هاردیدون
..
ووراندا عمّمه قمچی سکینیه سیلی
کبود اولاندا رخ گلعذاریم هار دیدون
..
جفای زادۀ مرجانه حددن کیچدی
چوخ اولدی اوردا سنه انتظاریم هاردیدون
..
وراندا قمچی منه زجر و ساربان یولدا
نه رهنما واریدی، رهسپاریم هاردیدون
..
شماتت ایتدیله شام اهلی باب ساعتده
پوزولدی فکریم اودم، دل فکاریم هاردیدون
..
دوشنده لرزیه عضویم هراس و وحشتدن
سالاندا خوفه منی اضطراریم هاردیدون
..
وراندا طعنه یزیدین قیزی گُلنده منه
جهانه مفخر اولان افتخاریم هاردیدون
..
لباس قرمزی اگنینده اللرینده حنا
دیردی صاحب وقرم، وقاريم هارديدون
..
باشیندا وار بابامین تاج تختی سویلردی
منیم باشیمدا قرا، تاجداریم هاردیدون
..
تحمّل ایتدیم اونون طعنه و شماتتنه
چوخالدی لیکن اودم آه و زاریم هاردیدون
..
حصار صبرمه گویا ورولدی بیرتیشه
اولوبدی قان ئورگیم، بردباریم هاردیدون
..
شها توجه ایله «غمکشه» جزا گونی سن
بویور ما روسیه و اشک باریم هاردیدون
..
..
..
#حضرت_رقیه #غمکش #حضرت_رقیه_شهادت #ترکی #زبدةالاشعار