مدح حضرت علی (ع)
.
✍️ #زبدةالاشعار ✍️
.
🆔: @nohe_torki
.
حاج اصغر فرشچی ( عدلی تبریزی)
.
.
درویش لر قورار هر یرده معرکه
امرارعیشونون تا نقشه سین چکه
کشکول دولاندورار خجلت چکه چکه
سویلر او دلفکار مولا علی مدد
هویا علی مدد مولا علی مدد
.
.
آلله ایوینده ای دنیایه گوز آچان
اوز جانین آللها ای بیر گجه ساتان
تخت محمده باشون قویوب یاتان
ای حقه جانثار مولا علی مدد
هویا علی مدد مولا علی مدد
.
.
توحید ملکونه ای مقتدا علی
حلال مشکل و درده دوا علی
محراب عشقیده دینه فدا علی
ای هاشمی تبار مولا علی مدد
هویاعلی مدد مولا علی مدد
.
.
قربان او شأنیوه جاه و جلالته
شامل ایله بیزی لطف و عنایته
چوخ شایقوخ گلاخ بیزده زیارته
قویما چوخ انتظار مولا علی مدد
هویاعلی مدد مولا علی مدد
.
.
من کمترین گدا سن شاه ذولکرم
من عاصیم ولی درباره نوکرم
دور ضریحووی رضوانه ویر مرم
ای صاحب اقتدار مولا علی مدد
هویاعلی مدد مولا علی مدد
.
.
قان ویرموسن تاپوب قرآن ودین رواج
اون بیربالان اولوب اسلامه چون سراج
چوخ دور مریض اولان ایستورتاپا علاج
هم خرد وهم کبار مولا علی مدد
هویاعلی مدد مولا علی مدد
.
لعل لبینده ای هرکلمه سی صدف
گوندر براتنی ای مظهرشرف
عمروم قوتولماموش ایستورگوره نجف
دل دوتموری قرار مولا علی مدد
هویاعلی مدد مولا علی مدد
.
.
هرکس سنی سویه گرکمترین قدر
مهرون اولار اونا محشر ده جلوه گر
یاندروماز اود اونی گر اولسا شعله ور
ای شاه تاج دار مولا علی مدد
هویاعلی مدد مولا علی مدد
.
.
یوخ (عدلیده) آقا دنیا علایقی
قانعدی رزقینه رحماندی رازقی
دردین سنه دیر بوشلار خلایقی
با روی شرمسار مولا علی مدد
هویا علی مدد مولا علی مدد
.
.
رباعی:
دینون ارکانیدور توحید نبوت
معاد و عدل دور بیرده امامت
معاد و عدل و توحید و نبوت
ثمر یوخ اولماسا حُب ولایت
.
.
#حیدریه_عدلی_تبریزی
#حیدریه_مدح
#درویشلر_قورار_هر_یرده_معرکه
#ترکی
.
✍️ #زبدةالاشعار ✍️
.
🆔: @nohe_torki
نظر دهید