وداع علی اکبر علیه السلام
.
✍️ زبدة الاشعار ✍️
?: @nohe_torki
.
مرحوم حکیم میرزا علی لعلی
.
خمیده قاشوه یتمز هلال علی اکبر
مه تمام ده یوخ بو جمال علی اکبر
.
فضای باغ ملاحتده کیم گوروبدی دیسون
بو قامتون کیمی بیر نونهال علی اکبر
.
هانی غزالده بو گوزلرون تماشاسی
باخار بو طرزیله باخمار غزال علی اکبر
.
یوزون پیمبره بنزر اودور دالنجا گزر
همیشه زلف سیه چون بلال علی اکبر
.
نه پیچ و تاب دی زلفونده جاندان آلماق تاب
بو آل هاشمه بسدور بو خال علی اکبر
.
شه جمالوی اقلیم حسن لطف ایچره
جلالیلن یارادوب ذوالجلال علی اکبر
.
بشرده ای حَسن الوَجه بیله وجه اولماز
گیت اَمدوقون سودوم اولسون حلال علی اکبر
.
بو اوج حُسنده خورشید رویوه ای کاش
زوال ویرمیه اول لایزال علی اکبر
.
اگر چه نقصدی ناکام لیق سنه لیکن
واروندی حسنده حدّ کمال علی اکبر
.
نجه الوندن علی ال چکه آنان لیلا
بو امری من گورورم چوخ محال علی اکبر
.
اگر بو طرّه لرون بیر تلین غبار آلسا
آلار بو گوگلیمی کلّی ملال علی اکبر
.
نجه بو کاکلیوی قتلگاه ایچینده گوروم
اولوبدی قرمزی قانیله آل علی اکبر
.
دُؤزوم بو حاله نجه من سنه اولوم قربان
اُزون بو حالی ایله بیر خیال علی اکبر
.
دولانوب آه چکر ماتمونده بو «لعلی»
بو قدر کیم دولانار ماه و سال علی اکبر
.
#اکبریه_شهادت
#خمیده_قاشوه_یتمز_هلال_علی _اکبر
#لعلی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید