بسته شدن راه فرات
.
#زبدةالاشعار
.
: @nohe_torki
.
حاج غلامرضا عینی فرد زنجانی
.
خیام طاهریه باغلانوبدی راه فرات
بر امره نسل بشر قرنلر اولوبدور مات
.
صولوبدی گلشن زهرا سوسوزدان اولدی کباب
ولی ایچوب او سودان وحش و جن و دشت و فلات
.
خانم بتوله فرات اولموشیدی مهریه
ولیک ویرمدی اولادینه او چولده عُدات
.
حسیندن آلماقا بیعت یزیدیان لعین
فراهم ایلدیلر لحظه لحظه محصورات
.
خیال ایدوبله سوسوز قالسا تئز اولار تسلیم
ولیک سنمادی بو ظلمدن حقه مِرآت
.
دیمه که یاتمشیدی خیمه گهده زین العباد
تنوره دوشموشیدی گوئیا که شاخه نبات
.
ایله یاناردی حرارتدن اول امام مبین
دوشوردى خیمه ده بیهوش آقا نچه ساعات
.
اوجالدی گوگلره فریاد العطش یردن
ایدوب او منظره سقّانی دل پریشان مات
.
دیردی آدیمه سقّا دیور سوسوز بالالار
سو یوخدی مشگیده امّا، اولیدی قان بو فرات
.
بشیکده اصغر عطشدن یانور چالور ال ایاق
دیور آناسی سو فکرین اوغول باشوندان آت
.
بو خیمه دن قاچوری آیری خیمیه قزلار
علی اصغره تاپسونلا بلکه راه نجات
.
رمقلری چکیلوب دل دوداقلاری قوریوب
بیری بیرینه دیور آغلا، لبلرین ایسلات
.
سوسوزلوقون اثریندن قورودی اشگلری
قازور یری دوشنور شِح یره گل اوزلی بنات
.
الهی کاش او گون خشک اولیدی دریالر
حسین سوسوزلارا باخدوقجا آغلادی کرّات
.
.
.
نه امتحانیدی بو ای حکیم ای الله
عطشدن آل علینون دلینده اولمادی آه
.
.
على بالالارینی ایلدون کباب ای سو
اولیدون اوت سنی عالمده یا سراب ای سو
.
شکایت ایلسه سندن اگر خانم زهرا
ندور جوابون اونا تاپ گوراخ جواب، ای سو
.
آنا باخا باخا پر پر اولا سوسوز بالاسی
چتیندی، بلدون؟ او حاله قالوب رباب ای سو
.
نه صود واریدی دوشونده نه سقّاخانه ده سو
ئووشدیریب ئورگین یاندی شیخ و شاب ای سو
.
رباب سسلنوری آز قالوب بالام ئولسون
دوتوبدی برگ خزان مثلی پیچ و تاب ای سو
.
نه وار دیلی دیه دردین نه وار توان منده
هوادن اود یاغوری یاندیرور تراب ای سو
آچلسا صبح امیدیم، گیدر سووا سقّا
سوسوز حرملر اولار اوندا کامیاب ای سو
.
سو قسمت اولسا ویره للر اَوَل منیم بالاما
عقیق تک دوداقی اولدی درّ ناب ای سو
.
گهی بشیکده گهی سینه ده گهی یرده
گهی قوجاقه آلور دخت بو تراب ای سو
.
صحابه سو گتوروبدی ولی جالاندی یره
ز بسکه خردا اوشاقلار ایدوب شتاب ای سو
.
.
.
.
#فرات #عینی_فرد
#خیام_طاهریه_باغلانوبدی_راه_فرات
#ترکی
.
#زبدةالاشعار
.
: @nohe_torki
نظر دهید