زبدةالاشعار

هجرون خیالی ائتدی پریشان خیالیمی #اکبریه_حقیر_خویی

زبانحال حضرت سکینه(س) در وداع حضرت علی اکبر(ع)
.
✍️ زبدة الاشعار ✍️
.
🆔: @nohe_torki
.
مرحوم میرزا عبدالوهاب حقیرخویی
.
هجرون خیالی ائتدی پریشان خیالیمی
آرتوردی حسرت و غم و درد و ملالیمی
.
اندیشهٔ فراق نه حاله سالوبدی گور
البته رحم ائدر گوره کافرده حالیمی
.
ال چکمرم وصال اتگوندن مباد چرخ
شام فراقه دوندره صبح وصالیمی
.
نه منده تاب هجر نه سنده علاج هجر
آسان نه نوعیله ائدوم امر محالیمی
.
وار احتمال گئتسن اگر گورمیم یوزون
قطع یقینه حمل ائدرم احتمالیمی
.
صیّادلر کمینیده الده کمان دوروب
دشت بلاده سیندیرالار پر و بالیمی
.
نخجیر ائدوب خدنگ خطایه خطائیله
اهل خطا سنون کیمی رعنا خزالیمی
.
وئرمز مجال شمر الیمدن آلور سنی
فوت ائتمرم من الده دی فرصت مجالیمی
.
میدان کارزاره قدم قویما گورموسن
بو فرقه ی ستمگری بو قوم ظالمی
.
سن اولماسان عزیزه وی دشمن ائدر ذلیل
آیا نجه قبول ائده سن ابتذالیمی
.
گر اعتدالیدن دوشه بو سرو قامتون
پشت کمانه دوندره جاق اعتدالیمی
.
مهر جمالون اولماسا ظلمات شامده
گون تک خرابه ده گورَرَم اؤز زوالیمی
.
وئرّم قسم سنی بو یانان لبلریمه من
گورتشنه لیق نه نوعی سارالدیب جمالیمی
.
ئولّم عطشدن ایسترم آب وئر جواب
سنده گوروم قبول ائده جاقسان سؤالیمی
.
مژگان لاریملا شانه وروم تار زلفوه
ظاهر ائدوم گوز اهلینه باطن جلالیمی
.
هر چند کاکلون باتاجاق قانه من گلاب
میزاب چشمیدن سَپَرم اشک آلیمی
.
سرمه چکوم قرا گوزیوه دود آهیدن
گوز دورماسون گوزونده گورَن اکتحالیمی
.
حُسن کماله سنده یتوب چونکه ایسترم
اثبات ائدم من عشقیده عین کمالیمی
.
نه سن کیمی وفالی برادر زمانه ده
نه مهربان باجی بولورم اؤز مثالیمی
.
من ایمدی ال گوتورّم علی مانع اولمارام
بولّم اگرچه آخر امر مآلیمی
.
سن گئت بوچولده قوی منی شمر ایلسون اسیر
فرمان لایزالیمه گور امتثالیمی
.
امّا مصیبتیمده دیوم نظم ائده«حقیر»
طرز زبان حالیله شرح مقالیمی
.
.
#اکبریه_شهادت
#هجرون_خیالی_ائتدی_پریشان_خیالیمی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  نقش بندیدور خط معدلت صفحه ی عذاریندا یاعلی #حیدریه_رضا_غلامپور

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی