خیمه نی سیلمیشم زینتین ویرمیشم #اکبریه_یحیوی_اردبیلی

وداع حضرت علی اکبر علیه السلام
.
.
#سبک_خیمه_نی_سیلمیشم
با صدای استاد کربلایی صاحبعلی#ببیرپور
پخش‌کننده صوت

.
.
مرحوم یحیوی اردبیلی
.
.
خیمه نی سیلمیشم
زینتین ویرمیشم
فرش دور معجریم گل
اکبریم اکبریم گل
.
سن گلن یوللارا
ایلرم من فدا
آغلیان گوزلریم گل
اکبریم اکبریم گل
.
قوی قدم خیمه گاهه
ای پیمبر نشانی
بش دقیقه دانیشدور
لیلیِ بینوانی
.
.
.
شیشیه بنذیور
باخماسون تیز سینار
بیر نگاهیله قلبیم
امن ده ساخلا اوغلوم
.
ای صنوبر قدیم
سایه سال باشیمه
مادر بی پناهون
لطفیله یوخلا اوغلوم
.
گَل ویروم زینتون
یولیوم عرصیه
تیر مژگانویله
دشمنی اوخلا اوغلوم
.
زلفوه دوشسه کج
شانه بخش ائت منی
تیتریور اللریم گل
اکبریم اکبریم گل
.
.
.
وصل معبوده سن
باغلیوبسان کمر
من نجه مانع اولام
عشق سوداسی دور بو
.
عامل حکم سن
امره مامورسن
روز قالوا بلاده
عهدون امضاسی دور بو
.
حق رضادور اونا
من رضایم بالا
جانی ویرمک گرکدور
دین دعواسی دور بو
.
حضرت فاطمه
محضرینه آپار
تحفه نسگللریم گل
اکبریم اکبریم گل
.
.
.
آسلانوبدور ئورک
قاشلارون طاقینه
من غریبی سالوبدور
قاره زلفون کمنده
.
ایندی صیادلر
گوزلیوللر سنی
دام ظلمه دوشرسن
رزمگاهی گزنده
.
نیلرم من علی
یاره لی نعشیوی
گورسم القان ایچینده
خیمه گاهه گلنده
.
روزگاریم دونر
اوندا برپا اولور
خیمه ده محشریم گل
اکبریم اکبریم گل
.
.
.
ای شکفته گولوم
کاکلی سنبلم
توش اولور بو طراوت
حیف باد خزانه
.
غمزده بولبولوم
چوخ پریشان دلیم
ویر تسلای هجران
مادر مهربانه
.
گورموسن متصل
بیزدن اوتری بو گون
آیریلیق تیری قویموش
دست دوران گمانه
.
جاری ائتسین سنی
قانینیله منیم
گوزدن اشک تریم گل
اکبریم اکبریم گل
.
.
.
جان لیلا فدا
سرو تک قامته
آیریلورسان آناندان
خیلی تعجیل ایدورسن
.
مکتب عشقیده
سینه وی شرح ایدوب
هاجر اسماعیلینون
درسینی اورگدورسن
.
اوندا سال یادیوه
خیمه ده وار منیم
منتظر هاجریم گل
اکبریم اکبریم گل
.
.
.
منزلیم مسکنیم
بیر همین خیمه دیر
تیره ائتمیش گوزومده
چکدیگیم دود آهیم
.
فرصتین وار اگر
گلگینه مختصر
تاکی اولسون چراغان
صفحۀ خیمه‌گاهیم
.
سن بیلیرسن اوغول
غرق بحر غمم
ایلییب روزگاریم
قاره بخت سیاهیم
.
برج اقبالیمی
نوره باران ائله
ای مه انو‌ریم گل
اکبریم اکبریم گل
.
.
.
#اکبریه_شهادت #اکبریه
#یحیوی_اردبیلی
#خیمه_نی_سیلمیشم
#اسرار_عاشورا_یحیوی
#ترکی
#زبدةالاشعار