دئدیم بلبل،نه چکدون آیریلیقدان #فاطمیه_حضرتی_هاتف

زبانحال حضرت علی علیه السلام
.
✍️ #زبدةالاشعار ✍️
.
🆔: @nohe_torki
.
سعیدحضرتی آذرشهری « هاتف »
.
“دئدیم بلبل،نه چکدون آیریلیقدان؟”
دئدی گَلدیم بوغمده ن زاره، یاندیم
.
دئدیم سویله خزاندان وار نه شِکوه ن؟
دئدی بو فصل محنت باره یاندیم
.
منه یار اولدی یارین دِلده دردی
گئده ن سس سیز الیمده ن یاره یاندیم
.
خزان گلدی، گولوم سولدی الیمده
سولان گول تک رخ دلداره یاندیم
.
الیمده ن گلمه دی بیر ایش، اوتاندیم
توکوب گوز یاشیمی رخساره یاندیم
.
دایاندی مندن اوتری پشت درده
باخیب گولده بئله ایثاره یاندیم
.
گول اولدی زاغ وحشت روبروسی
چکیب خجلت بئله پیکاره یاندیم
.
ویریبلار اود، قاپیم یاندی، گول اوردا
من ائوده آتش اشراره یاندیم
.
لگدله آچدیلار گول تکیه گاهین
دگیب در ضربیلَن دیواره، یاندیم
.
بیلَن بیلدی گولین شرح ملالین
نئجه اولدی برابر خاره، یاندیم
.
آییردی غنچه نی گولدن بو ضربه
بو مولوده، بئله دیداره یاندیم
.
گولوم نقش اولدی دیواره، یخیلدی
باخیب قانلی در و مسماره یاندیم
.
گولوم سولدی، گلستانیم داغیلدی
گوروب ظلمی، باخان کفاره یاندیم
.
چاغیردی فضه نی تئزگل، یخیلدیم
دِئ گلسین حیدر کراره یاندیم
.
دایاندی خامه ی “هاتف” بو درده
دئدی نی تک بو سوز و زاره یاندیم!
.
.
#فاطمیه_شهادت
#دئدیم_بلبل_نه_چکدون_آیریلیقدان
#حضرتی_هاتف
#ترکی
.
✍️ #زبدةالاشعار✍️
.
🆔: @nohe_torki