داغ هجروندن نگارا خستییَم زار اولموشام #مهدیه_امانی_اردبیلی

یا مهدی
.
زبدة الاشعار

?: @nohe_torki
.
مرحوم حاج اسدالله امانی اردبیلی
.
داغ هجروندن نگارا خستییَم زار اولموشام
عشق دریاسینده امواجه گرفتار اولموشام
.
غرق امواجه سنین تک کیمدی امداد ائیلیَن
گوزلریم گوزلر سنی محتاج دیدار اولموشام
.
عاشقی دریای محنتدن اوزون سن قورتاران
رحم ائله ای جان جان رحمه سزاوار اولموشام
.
دادرس یوخ همنفس یوخ مونسیم یوخ یار یوخ
دهریدن دنیادن ای گول گورنه بیزار اولموشام
.
ای طبیبیم دردیمه ایستیر دوا ائتسین حکیم
بیلمه ییر من محنت هجرانه بیمار اولموشام
.
گوشه ی خلوت گزیب ترک ائتمیشم جمعیّتی
ادّعا گوردوم تظاهر گوردوم آزاراولموشام
.
مدعی شرح جمال یاره حیراندیر هله
من جلال دلبری درک ائیله ییب یاراولموشام
.
عشق اگرحلاجه دار اوستونده ایثاراورگه دیر
ای (امانی) منده بو داره خریدار اولموشام
.
#مهدیه
#داغ_هجروندن_نگارا_خستییم_زار_اولموشام
#امانی_اردبیلی
#ترکی
.
#زبدةالاشعار

?: @nohe_torki