اتمام حجت امام حسین (ع) با کوفیان
.
.
مرحوم حامدی تبریزی
.
.
کربلا دشتینی ویران گلون ایلمیون
قانیله بو چولی الوان گلون ایلمون
.
.
نچه مین نامه یازوب یوللادوز ای اهل سقر
منی مهمان گتوروبسوز بو نه مذهبدی مگر
ایلدیم ترک وطن ایندی پشیمانسوز اگر
ایلمیشدوز منی مهمان گلون ایلمیون
.
.
سیزه وئردوم یمن و ملک و حجاز و حلبی
بابل و شهر دمشقیله عراق و عربی
بیگناهم سوسوزام بهر خدا حق نبی
منى اوز قانیمه غلطان گلون ایلمیون
.
.
خیمه دن عرشه چیخوب رحم ائلیون آه و فغان
آز قالوب وئرسون عطشدن شهدا قیزلاری جان
بیرجه قطره سو وئرون حق پیمبر بو زمان
آل پیغمبری عطشان گلون ایلمیون
.
.
ایلدیم بیلمورم آیا نه حلالوزی حرام
نیه اجماع ائلیوبسوز مگر ای لشگر شام
دوغرادوز یاریمی انصاریمی بو چولده تمام
منی بونداندا پریشان گلون ایلمیون
.
.
یولّادوم اکبری ئولدوردوز ایا قوم پلید
ایلدوز ظلمیله عبّاس علمداری شهید
قویموسوز کرب وبلاده منی بی یار و وحید
بو جفاده داخی طوفان گلون ایلمیون
.
.
ظهر وقتینده گل فاطمه نی سولدوروسوز
جام مقصودی منیم قانیمیله دولدوروسوز
چون سوسوز عرصۀ میداندا منی ئولدوروسوز
یارالی نعشیمی عریان گلون ایلمیون
.
.
بئله عهد ایلمیشم ایلرم عهدیمه وفا
شمر بیدینون الیندن ایچرم جام بلا
یتیشور سیزلره فرصت او دم ای قوم دغا
خیمه و خرگهی تالان گلون ایلمیون
.
.
بیلورم آتش جوریله یانار خیمه سرا
داغیلار چوللره صحرالره یکسر اسرا
بیر مددکار تاپولماز اولارا لشگر آرا
اوندا چوخ زینبی ترسان گلون ایلمیون
.
.
شام شومه چکیلنده اسرا قافله سی
اوندا بیمار اسرانون اولی سرسلسله سی
اوزی ناخوش قاباقیندا بیر آغیر غلغله سی
ناقه اوستون اونا زندان گلون ایلمیون
.
.
نیزه باشینده باشیم گاهی اوخور آیۀ نور
گاه اولور دیر نصاراده زیارتگه حور
گاه اولور منزل خلوت منه مطبخده تنور
خولینی لیک نگهبان گلون ایلمیون
.
.
«حامدا» جهد ائله الده نقدر فرصت اولا
آز اولور بیر بئله مجلس سنه تا قسمت اولا
قیل مکرر بو سؤزی دلده اگر مکنت اولا
کربلا دشتینی ویران گلون ایلمیون
.
.
#حسینیه #حامد_تبریزی #حسینیه_شهادت #ترکی #زبدةالاشعار
نظر دهید