دخت حیدر شیرزن دور معجری خنجرشکن #زینبیه_مصیبی_تبریزی

وصف شجاعت بی بدیل شیرزن پهنۀ بلا
.
.
مصیبی تبریزی
.
.
دخت حیدر شیرزن دور معجری خنجرشکن
شیر زاده زینب اولسا شیر اولار خیبرشکن
.
.
شیر میدان نعره چکسه ؛ دل اسیر اولماز مگر
مرتضی شیر اولسا زینب ماده شیر اولماز مگر
صُلب حیدردن اولان قیز بی نظیر اولماز مگر
مادر شیریدی علی تک صیحه سی صرصر شکن
.
.
ماده شیریدی آجیقلی بیشه سی نخجیریدی
دوزدی کی دنیایه عورت گلماقی تقدیریدی
شیریدن قیزدا اگر دنیایه گلسه شیریدی
هم آتا اژدر بولن دی هم قیزی اژدرشکن
.
.
ماده شیریدی بوتون قاموسینه حسّاسیدی
خواهر عباس نسوان ایچره فخرالناسیدی
غیرت و شخصیتی عیناً خودِ عباسیدی
کشتی طاغوتیانه اولدولار لنگرشکن
.
.
ماده شیریدی گلنده کوفیه محشر گلوب
خطبۀ مردانه سیندن لرزیه گویلر گلوب
عالم و آدم دیئردی کوفیه حیدر گلوب
صحبتیندن اود یاغاردی دیللره مجمرشکن
.
.
ماده شیریدی ؛ بلادن ائتمزیدی واهمه
صولتینده حیدریدی عفتینده فاطمه
صیحه مردانه سی ظلمه وئروبدور خاتمه
شامیده مسجدده فریادی اولوب منبرشکن
.
.
ماده شیریدی بیلوردی ایش حساب اوستونده دی
کربلانین انقلابی عشق ناب اوستونده دی
(هم نماز اوستونده هم حفظ حجاب اوستونده دی)
معجری غارت ده اولسا اولدی غارتگرشکن
.
.
حق نئجه بی نام طاها دهره معناوئرمیوب
یا نئجه خورشید عالمتابه همتا وئرمیوب
زینبه خالق جهاندا المثنّی’ وئرمیوب
مرتضی تک سدشکن زهرا کیمی کافرشکن
.
.
پارۀ قلب علی دی قلبی غمدن پاره دی
چاره سیز قالدی ولی هر دردون اولسا چاره دی
درد هجر یاریدندی قلب زینب یاره دی
آهی قلبی یاندیراندی ناله سی آذرشکن
.
.
ای «مُصیّب» یاز علی نین جراتی زینبده دی
کربلانی ایسته سن ؛ یاز رخصتی زینبده دی
کیم حسینی منصب اولسا بیعتی زینبده دی
هم ئوزی سنگرشکن دی هم سوزی شکّرشکن
.
.
#زینبیه #مصیبی_تبریزی #زینبیه_مدح #ترکی #زبدةالاشعار