دردون منه چوخ بار گراندی آتام اوغلی #عباسیه_کامران_اسدی

زبانحال حضرت امام حسین (ع) بر سر بالین حضرت عباس (ع)
.
.
کامران اسدی حقایقی
.
.
دردون منه چوخ بارگراندی آتام اوغلی
دور قارداشوون قدی کماندور آتام اوغلی
.
.
دوزدوم ستم خاره صولان گلشنه خاطر
گلدیم بوچتین لیقدا یولی من سنه خاطر
سنده یومولان گوزلریوی آچ منه خاطر
یارین باخیشی قیمت جاندی آتام اوغلی
.
.
اولسان منه بیر ذرّه سوسوزلوق اثر ایتمز
گر اولمیاسان اولسادا سو دادیمه یتمز
سنسیز بوغازیمدا سو اگر اولسادا گیتمز
زمزم سویی سنسیز منه قاندی آتام اوغلی
.
.
یاخچی بولوسن من دیمرم قوی که دیوم بول
هرقیمته باخسیدی تاپاردیم سنی ای گول
ای لاله گلوم آچ گوزیوی گورنجه بلبل
اهل حرمه مرثیه خاندی آتام اوغلی
.
.
ای سوسفریندن گلن ای جامی شکسته
یول خسته سی سن خستلیق آل ای گل خسته
ای دیزلریمون طاقتی باش قوی دیزیم اوسته
دینجلملی بیروقت و زماندی آتام اوغلی
.
.
دریاسن اوزو نسن نه فرات ای یم قدرت
لب تشنه سودان چیخموسان ای هیکل قدرت
به به نه گوزل چخدی محکدن زرِ خدمت
خالصلیقوین اجری جناندی آتام اوغلی
.
.
سن عشق حسینون یمینون جزر ومدیدون
طوفان حوادثده حسینون مددیدون
تک من دیمورم گللریمون سرسبدیدون
قابل بیله تعریفه خزاندی آتام اوغلی
.
.
دورو بریمز خلوت اولا اوزگه دن ایکاش
تاگوسترم آغلار نجه قارداشینا قارداش
قویمورکه بوشالدیم اورگی طعنۀ اوباش
سس سیزمنه تای کیمدی که یاندی آتام اوغلی
.
.
سن دوش یولا ای گل گلیرم منده دالونجه
گوزله منی گلچین الینه خنجرآلینجه
گیت گوزله منی جسمیمی گوداله سالینجه
مین سوز بواشارمده عیاندی اتام اوغلی
.
.
.
.
#عباسیه_شهادت
#دردون_منه_چوخ_بار_گراندی_آتام_اوغلی
#کامران_اسدی_حقایق
#ترکی
#زبدةالاشعار