درد و غمدن ئولمدیم قالدیم حسین #اربعین_زرین_قلم

اربعین
زبانحال حضرت زینب (س)
.
.
#سبک_من_آغلارام_سنه_آنا_آنا
پخش‌کننده صوت

.
.
زرّین قلم
.
.
درد و غمدن ئولمدیم قالدیم حسین
عطریوی شاماتیدن آلدیم حسین
یول بو پوزقون قبریوه سالدیم حسین
قبردن دور زینبِ غمخواره باخ
شامیدن یورقون گلن زوّاره باخ
.
واگیر:
(بلالی دور باشیم حسین حسین
یارالی قارداشیم حسین حسین )
.
.
سن حقیقت لر کمالی دون حسین
هر گوزل گُلدن صفالی دون حسین
من گیدن گون سن یارالی دون حسین
زینبی درد فراقون داغلادی
زینب ئولسون یاره وی کیم باغلادی
.
.
.
من گیدنده کربلا طوفانیدی
گلسِتانون سر بسر ویرانیدی
بیر گوزل غنچه ن او گون خندانیدی
گلمیشم گل غنچه وه ایوای دیم
بیر دویونجا اصغره لایلای دیم
.
.
.
بی سبب عرشه فغانیم چاتمیری
اشگیمی خون دلیله قاتمیری
بیر گجه گوردوم رقیّه یاتمیری
سویلدیم اشگ رخ زردون ندی
زینبون قربان سنه دردون ندی
.
.
.
حسرتیله بیر منه باخدی حسین
باخدی اما یاندوروب یاخدی حسین
دیندیرردیم گوزلری آخدی حسین
عشقینی معشوقه ابراز ایلدی
گوئیا بیر قوشدی پرواز ایلدی
.
.
.
سانما عشقین راه و رسمین آزمیشام
اشگیله لوح وفانی یازمیشام
قبرینی من ئوز الیمله قازمیشام
قبره قویدوم سسلدیم ایوای بالا
آنّین ئوپدوم هی دئدیم لای لای بالا
.
.
.
.
#اربعین
#درد_و_غمدن_ئولمدیم_قالدیم_حسین
#زرین_قلم
#ترکی
#زبدةالاشعار