زبدةالاشعار

شیعه لر ماتم دوتوب طاها امام صادقه #صادقیه_علوی_زنجانی

شهادت امام جعفر صادق علیه السلام
.
✍️ زبدة الاشعار ✍️

?: @nohe_torki
.
حاج محرمعلی علوی زنجانی
.
شیعه لر ماتم دوتوب طاها امام صادقه
باش آچوب آغلار بو گون زهرا امام صادقه

.
دشمن قرآن بو گون گلزار دینی سولدوروب
ناله و افغانیلن ارض و سمانی دولدوروب
اول پلید بی حیا مظلوم امامی ئولدوروب
آغاوری باعث اودور دنیا امام صادقه

.
بیر گئجه دعوت ائدوبدور منزله اول سروری
ایستدی توکسون او یرده خون پاک جعفری
ناگهان گوردی برابرده دوروب پیغمبری
الده شمشیر ایلیور یارا امام صادقه

.
گوردی بو اوصافی مولادن ولی ائتموب حیا
وئردی آخرده پیمبر اوغلونا زهر جفا
ئوز مرامینه یتیشدی دشمن دین خدا
بی جهت ظلم ائتدی اول ترسا امام صادقه

متن پیشنهادی:  توش اولوبدی سن ئولندن غم هجرانه باجون #زینبیه_لاادری

.
زهریله منصور بی ایمان اونی مسموم ائدوب
مرتضانون اوغلونون آرامی چون الدن گئدوب
ادّعای دین ائدن آخر امامه گور نئدوب
ائتدی بسکه روز و شب ایذا امام صادقه

.
گلستان حضرت زهرادی چون بیر گل سولوب
ایلوری بلبل لر افغان گوزلر اشگیله دولوب
حضرت صادق عزاسینده اورگلر قان اولوب
شیعه لر ماتم دوتوب مولا امام صادقه

.
فاطمه جنّتده آچمیش باشینی دتموش عزا
دیده دن اشگین اَلور رخسارینه مظلوم آنا
دم به دم اوخشور امام صادقی ایلور نوا
آغلوری صدّیقه ی کبری امام صادقه

متن پیشنهادی:  کرب وبلا دشتی - بو گئجه غوغادی #شب_عاشورا_مصیبی_تبریزی

.
ایلدی منصور بی دین ظلمده طغیان بسی
عرش و فرشی دولدوروبدور وا اماما ناله سی
وار یری اهل سمادن گلسه یا مولا سسی
قدسیان دوتموش عزا یکجا امام صادقه

.
وئردیلر غسلون اونی اجلالیلن کفن ائتدیلر
حرمتیلن گتدیلر گُل جسمینی دفن ائتدیلر
اهل بیت حضرته عرض ارادت ائتدیلر
آغلور اما حضرت موسی امام صادقه

.
یادیمه دوشدی بو یرده کربلا شاهی حسین
قالدی اوچ گون تپراق اوسته انبیایه نور عین
عور و عریان نور چشم فاتح بدر و حُنین
بیر بئله ظلم اولمادی امّا امام صادقه

متن پیشنهادی:  گون باتمادان گیچن گون بنزردی آیه باشون #کوفه_هندی_تبریزی

.
ظلم الیله کربلاده سولدی زهرا گللری
گلستان اولدی خزان قان آغلادی بلبللری
ائتدی خولی راس شاه دینه بستر کوللری
کوللر اوستی اولمادی ماوا امام صادقه

.
چون((علوی))نسبتم بو غمده سینه داغلارام
اشگیمی رخساریمه بزم عزاده باغلارام
کربلا دوشدوگجه یاده هر زمان من آغلارام
دردیمی عرض ایلورم آقا امام صادقه

.
#سبک_زینبم_جان_اوستیم ( 4 سبک )

.

#صادقیه_شهادت
#شیعه_لر_ماتم_دوتوب_طاها_امام_صادقه
#علوی_زنجانی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی