درک ایله ندور حق ای اهل حقیقت #حسینیه_تابع_تبریزی

دوز حسینچی
.
#زبدةالاشعار
.
: @nohe_torki
.
#سبک_دولدوروب_جهانی …
.
مرحوم تابع دین
.
درک ایله ندور حق ای اهل حقیقت
حق اوسته تاپوبدی شاه دین شهادت
کشتۀ عدالتدی
اهل دینه عبرتدی
دینه اول فداکار(2)
.
.
ای عزیز جانیم دینه اول فداکار
ایلمه جهاندا دین حقّی انکار
دینه جان نثار ایله
حقی پایدار ایله
دینه اول فداکار(2)
.
.
آیۀ حجابی سالما زیر پایه
دانما حکم شرعی دوشمه چوخ بلایه
بیزلره گلوب قرآن
واضح ایلیوب اعلان
دینه اول فداکار(2)
.
.
قرآن اوخی اما بول ندور بو قرآن
حقّی باطل ایتمه ای آدی مسلمان
دوتما بیله دنیانی
دانما حکم قرآنی
دینه اول فداکار(2)
.
.
معبودیویلن آچ دل راز و نیازه
اولادیوی اورگت روزه و نمازه
تعلیم ائله قرآنی
اخذ ایلیه ایمانی
دینه اول فداکار(2)
.
.
بیزلره بویورموش خاتم رسالت
اغنیا فقیره ایلسون حمایت
سال یادیوه عقبانی
خیر عملده اول بانی
دینه اول فداکار(2)
.
.
خواب غفلت ایچره آچ گوزون آماندور
الده توشه اولماز قبر ایوی یاماندور
تکیه ایلمه صبره
توشه اخذ ایله قبره
دینه اول فداکار(2)
.
.
دشت کربلاده سلطان شهیدان
ایسی قوملار اوسته حق اوسته وئروب جان
چکدی چوخ غم و ایذا
دینی ایلدى احیا
دینه اول فداکار(2)
.
.
شاه دین بویوردی ای گروه عدوان
بس ندن قویوبسوز آدوزی مسلمان
دین ایوین یخان سیز سوز
دیندن چخان سیز سوز
دینه اول فداکار(2)
.
.
یازدوز منه نامه ایتدوز منی دعوت
یاخشی حرمت ایتدوز ای اهل ضلالت
اصغریم الولاندی
ظلم اوخیلا اوخلاندى
دینه اول فداکار(2)
.
.
شدّت جفادن باغریم دولى قاندور
امّت طرفیندن قلبیم نگراندور
سیزلری دوتوب غفلت
ایلدوز بیوک جرئت
دینه اول فداکار(2)
.
.
گر تابع دینی ایتسه بیزه خدمت
بیزده بیر سعادت ایلروخ کرامت
خوش گچرده دنیانی
سالسا یاده عقبانی
دینه اول فداکار(2)
.
.
#حسینیه_تابع_تبریزی
#حسینیه_مدح #ورود_محرم
#درک_ایله_ندور_حق_ای_اهل_حقیقت
#ترکی
.
#زبدةالاشعار
.
: @nohe_torki