گفتگوی حضرت اباعبدالله الحسین (ع) با حضرت زینب (س) در وداع
☑️ سوال و جواب
.
✍️ زبدة الاشعار ✍️
?: @nohe_torki
.
مرحوم حقیر خوئی
.
☑️ زبانحال حضرت سیدالشهدا علیه السلام
.
ای گوهر گنجینه عفت باجی زینب
بانوی سراپرده عصمت باجی زینب
.
چون یازدی بلا دفترینی خامۀ تقدیر
دیباچه ده بیر کلمۀ عشق ایلدی تحریر
بیر حرفینه معنا گتوروب ایلدی تحریر
مضمونی اولوب سرّ شهادت باجی زینب
.
درج ایلدی بیر کلمه ده اوچ حرفیله اسرار
تا اوّل حرف عشقدن عین اولدی پدیدار
رمزیله عطش سرّین ایدوب عیندن اظهار
گوستردی او معنا بیله صورت باجی زینب
.
عین اولدی عیان ، شینه ایدوب قافیده ملحق
تاویل اولونوب قتله یتر عاشق مطلق
چون قتل شهادتدن اولوب عشق آدی مطلق
بو عشق منیله دوتوب الفت باجی زینب
.
چون عشق ازلدن اوزی بیر سرّدی مستور
من عشقی عیان ایلدیم آفاقده مشهور
معشوق بو مطلبده گوروب بزمینی منظور
بو منصب اولوب بیر منه قسمت باجی زینب
.
ایستر منی عالمده بلا منده بلانی
ترک ایلموشم کوی وفاده سر و جانی
کیمدور ره معشوقده ویرسون بو بهانی
عاشقده بودور رسم محبت باجی زینب
.
عهدیم بودی جانانمیله کوی وفاده
لب تشنه یتم قتله بو گون کرب و بلاده
من قتلی قبول ایلمیشم قال و بلاده
احیا اولا تا دین و شریعت باجی زینب
.
تسلیم و رضا اول باجی تقدیر قضایه
ثابت قدم اول عشقده صبر ایله بلایه
مخصوصدور عالمده بلا اهل ولایه
عشق اهلینه واردور بو کرامات باجی زینب
.
سنسن باجی مندن صورا سرخیل اسرایه
تاپشوردوم امانت سنی ده ظل خدایه
چون دوست منی دعوت ایدوب بزم لقایه
لازمدی ایدم منده اجابت باجی زینب
.
گورسن یتورور قتله منی لشکر کفار
یا حنجریمه شمر قویوب خنجر خونخوار
صبر ایله مبادا سنه اشرار ستمکار
طعنه ویروب ایتسونله شماتت باجی زینب
.
میداندا گورن دمده دوشوب پیکریم عریان
ایتمه اوجادان ناله ئیله شیون و افغان
صبر ایله مبادا ایده سن چاک گریبان
وورما یوزوه ناخن حسرت باجی زینب
.
هر کیمسه منی یاده سالاندا ایده فریاد
البته جهنمدن اونی ایلرم آزاد
مندن بو «حقیره» یتشور حشرده امداد
دستیمده دی طومار شفاعت باجی زینب
.
متن سوال از مرحوم #ذهنی_زاده در هشتک زیر
#ای_نیر_افلاک_شرافت_آنام_اوغلی
.
#سبک_ای_باد_صبا (بیش از 7 سبک)
.
#وداع
#ای_گوهر_گنجینه_عفت_باجی_زینب
#حقیر_خویی
#ترکی
.
✍️ #زبدةالاشعار ✍️
?: @nohe_torki
نظر دهید